Даириләр 2017-йилида уйғур диярида 100 милйон саяһәтчини күтүвалидиғанлиқини билдүргән

Мухбиримиз қутлан
2017-01-30
Елхәт
Пикир
Share
Принт

Хитай һөкүмәт таратқулири йеқинда хәвәр берип, 2016-йили уйғур аптоном райониниң хитайдики саяһәтчиләр адәм қетим сани әң тез сүрәттә өрлигән җайларниң бири икәнликини, 2017-йилида уйғур дияриға келидиған саяһәтчиләрниң санини 100 милйон адәм қетимға йәткүзүшни пиланлаватқанлиқини билдүргән.

Шинхуа агентлиқиниң бу һәқтики хәвиригә қариғанда, өткән йили қорғас еғизи күтүвалған саяһәтчи 3 милйондин адам қетимдин ешип, илгирики йилларға қариғанда 3 һәссә көпәйгән икән. Өткән йили йәнә қанас мәнзирилик саяһәт райониға келидиған саяһәтчиләр техиму көпийип, алдинқи йилларға қариғанда йерим һәссигә йеқин көпәйгәнлики мәлум.

Униң үстигә, өткән йили хитай дөләтлик саяһәт идариси уйғур аптоном районидин 5 орунни дөләтлик а дәриҗилик саяһәт нуқтиси қилип тәстиқлиған болуп, буниң билән уйғур дияридики дөләтлик а дәриҗилик саяһәт нуқтилири җәмий 11 гә йәткән.

Һалбуки, көзәткүчиләр хитай һөкүмитиниң уйғур елидики муқимсизлиқ амиллири елип кәлгән иқтисадий зиянни саяһәтчиләрни җәлп қилиш арқилиқ толуқлимақчи болуватқанлиқини, техиму муһими, мәзкур районниң сиясий сәзгүрлүки сәвәблик хәлқарадики қизиқ нуқта болуп қелишиниң алдини елишқа тиришиватқанлиқини илгири сүрмәктә.

Пикирләр (0)
Share
Толуқ бәт