Уйғур районидики «кәспий маһарәт мәркәзлири» намидики орунларда парихорлуқ йүз бериватқанлиқи ашкариланди

Мухбиримиз әркин
2019-08-30
Елхәт
Пикир
Share
Принт

Хитай һөкүмити 2 милйондәк уйғур, қазақ қатарлиқ мусулман хәлқни лагерларға қамап, бу орунларни хәлқараға «кәспий тәрбийиләш мәркәзлири» дәп көрситип келиватқаниди. Хитай таратқулириниң 29‏-авғусттики хәвәрлиридә ашкарилишичә, нөвәттә хитай һөкүмити «кәспий тәрбийиләш мәркәзлири» дәп келиватқан бу орунларда парихорлуқ әвҗ елишқа башлиған. Бу һәқтики хәвәрләрдә, бу мәркәзләр хитайниң кишилик һоқуқни дәпсәндә қилишиға иштирак қиливатқан ширкәтләрниң пул тепиш козуриға айлинип қалғанлиқи, уларниң бу мәркәзләрдики «оқуғучи» санини юқириға ялған мәлум қилип, техиму көп ярдәм пули еливатқанлиқи илгири сүрүлмәктә. «Шинҗаң гезити» ниң 29‏-авғуст хәвиридә ашкарилинишичә, нөвәттә уйғур аптоном районлуқ адәм күчи вә иҗтимаий параванлиқ назарити «кәспий тәрбийиләш мәркәзлири» дики бу хил парихорлуқ хаһишлириниң тәкшүрүшкә башлап, сахтипәзлик қилған 42 орунниң «кәспий тәрбийә» елип бериш салаһийитини бикар қилған. Аптоном районлуқ адәм күчи байлиқи вә иҗтимаий параванлиқ назаритиниң соң фамилилик бир әмәлдари, нөвәттә башқурушни учурлаштуруш арқилиқ бу әһвалниң үнүмлүк алдини алғанлиқини билдүргән.

«Шинҗаң гезити» ниң билдүрүшичә, «шинҗаң сичуаң електронлуқ техника чәклик ширкити» қәшқәр шәһиридики шенҗен санаәт бағчисида «кәспий тәрбийиләш мәркизи» қуруп, аталмиш «оқуғучилар» ға кәспий вә қанун тәрбийиси елип бериватқан әнә шундақ ширкәтләрниң бири икән. Мәзкур ширкәтниң директори ху шйәнҗү 28‏-авғуст күни «шинҗаң гезити» ниң мухбириға алақидар органларниң йетәклиши билән йеқинда 10 нәпәр «тәрбийиләш оқутқучиси» қобул қилғанлиқини билдүргән. Нөвәттә, америка дөләт мәҗлисидики бәзи әзалар трамп һөкүмитиниң уйғур районида кишилик һоқуқни дәпсәндә қиливатқан хитай әмәлдарлириға вә униңға ярдәмлишиватқан хитай карханилириға ембарго қоюшини тәләп қилмақта.

Пикирләр (0)
Share
Толуқ бәт