Xu'aling guruhi chiriye nahiyiside baqmichiliq bazisi qurdi

Muxbirimiz eziz
2020-10-20
Élxet
Pikir
Share
Print

Xitay hökümitining Uyghurlar diyaridiki atalmish "Namratliqtin qutuldurush" tedbirlirining biri baqmichiliq bazisi qurulushi bolup, yéqinda bir milyard som (texminen 150 milyon amérika dolliri) meblegh sélish arqiliq chiriye nahiyiside "Xu'aling kala baqmichiliq uniwérsal bazisi" gha hul sélish qurulushi bashlandi.

"Tengritagh" torining 19-öktebirdiki xewiride éytilishiche, ikki basquchluq bu qurulush 2025-yili tamamlinidighan bolup, pütkendin kéyin 60 ming tuyaq kala béqish iqtidarigha ige bolidiken.

Xu'aling guruhining partiye sékrétari go shyangyang bu qurulush arqiliq "Kala göshi bilen teminlesh hemde ékélogiyelik muhitni yaxshilashni birla waqitta ishqa ashurghili bolidu" dégen. Emma muhajirettiki ‍uyghur analizchilar buningdin özlirining bekmu gumanlinidighanliqini bildürdi. Bolupmu bundaq zor kölemlik charwa baqmichiliqi hemde zor miqdardiki gösh bir terep qilish sistémisining shu jayning muhitigha élip kélidighan éghir selbiy aqiwitini alahide tekitligen tenqidchiler "Bundaq zur qushxanidin chiqqan ghayet zor chirindi exletler emiliyette chiriye nahiyisini sésiqchiliqqa kömüwétidu" déyishti. Yene beziler bolsa bu atalmish "Kala baqmichiliqi bazisi" ning ötkende shepisi chiqip yoqap ketken ghayet zor kölemlik "Choshqa baqmchiliq baziliri" ning özi bolushi mumkinlikini, xitay hökümitining mushu namda Uyghurlar diyarida köplep choshqa baqmichiliq bazisi qurush éhtimali barliqini algha sürdi.

Toluq bet