PBS Теливизийә қанилида хитай һөкүмитиниң сүний әқил арқилиқ уйғурларни бастуруватқанлиқи хәвәр қилинди

Мухбиримиз ирадә
2019-11-22
Елхәт
Пикир
Share
Принт

Американиң PBS теливизийә қанили хитай һөкүмитиниң сүний әқил техникисини қоллинип туруп уйғурларни қаттиқ бастуруватқанлиқи һәққидә бир парчә хәвәр тарқатти. Улар хәвиридә, мәзкур қаналниң «фронт сизиқи» программисида хитай һөкүмитиниң сүний әқил техникиси җәһәттики кишини әндишигә салидиған тәрәққияти һәққидә ишләнгән һөҗҗҗәтлик филимидин мисал бәргән.

Хәвәрдә ейтилишичә, бу һөҗҗәтлик филимда хитайниң суний әқил арқилиқ хәлқни контрол қилиш сестимисини әң дәсләп уйғур районида синақ қилип, нәтиҗидә милйонларчә уйғур қатарлиқ йәрлик милләтләрниң хитайниң аталмиш «қайта-тәрбийә» лагерлириға қамалғанлиқи баян қилинған икән. 

Кишилик һоқуқни көзитиш тәшкилатиниң хитай ишлири дериктори софи ричардсон программида қилған сөзидә, «хитай һөкүмитиниң назарәт сестимилири арқилиқ уйғурларниң һәрбир һәрикитини анализ қилип, мәлум кишиниң террорлуқ йошурун күчигә игә икәнлики яки әмәсликини бекитип чиқип, шу нәтиҗигә асасән кишиләрни лагерға әвәтиватқанлиқи» ни билдүргән. Америкадики адовкат нурий түркәл болса «хитай һәрбир уйғур аилиисгә код номур қоюш арқилиқ пүтүн бир милләтни җазалаватиду», дегән. 

PBS Теливизийә қанили өз хәвиридә йәнә, хитайниң уйғур районида йүргүзүватқан сиясәтлиригә аит бир парчә ички һөҗҗәтниң нюйорк вақти гезити тәрипидин ашкариланғанлиқиниму тәкитләп өткән.

Пикирләр (0)
Share
Толуқ бәт