PBS Téliwiziye qanilida xitay hökümitining sün'iy eqil arqiliq Uyghurlarni basturuwatqanliqi xewer qilindi

Muxbirimiz irade
2019-11-22
Élxet
Pikir
Share
Print

Amérikaning PBS téliwiziye qanili xitay hökümitining sün'iy eqil téxnikisini qollinip turup Uyghurlarni qattiq basturuwatqanliqi heqqide bir parche xewer tarqatti. Ular xewiride, mezkur qanalning "Front siziqi" programmisida xitay hökümitining sün'iy eqil téxnikisi jehettiki kishini endishige salidighan tereqqiyati heqqide ishlen'gen höjjjetlik filimidin misal bergen.

Xewerde éytilishiche, bu höjjetlik filimda xitayning sun'iy eqil arqiliq xelqni kontrol qilish séstimisini eng deslep Uyghur rayonida sinaq qilip, netijide milyonlarche Uyghur qatarliq yerlik milletlerning xitayning atalmish "Qayta-terbiye" lagérlirigha qamalghanliqi bayan qilin'ghan iken. 

Kishilik hoquqni közitish teshkilatining xitay ishliri dériktori sofi richardson programmida qilghan sözide, "Xitay hökümitining nazaret séstimiliri arqiliq Uyghurlarning herbir herikitini analiz qilip, melum kishining térrorluq yoshurun küchige ige ikenliki yaki emeslikini békitip chiqip, shu netijige asasen kishilerni lagérgha ewetiwatqanliqi" ni bildürgen. Amérikadiki adowkat nuriy türkel bolsa "Xitay herbir Uyghur a'ili'isge kod nomur qoyush arqiliq pütün bir milletni jazalawatidu", dégen. 

PBS Téliwiziye qanili öz xewiride yene, xitayning Uyghur rayonida yürgüzüwatqan siyasetlirige a'it bir parche ichki höjjetning nyuyork waqti géziti teripidin ashkarilan'ghanliqinimu tekitlep ötken.

Toluq bet