Қәшқәр конашәһәр наһийәсидики 4 йезиниң корона вирусидики хәвплик дәриҗиси төвәнлитилгән

Мухбиримиз әркин
2020-11-16
Елхәт
Пикир
Share
Принт

Хитай даирилири 15-ноябирдин башлап қәшқәр конашәһәр наһийәсидики корона вируси юқумида «хәвплик район» дәп қаралған 4 йезиниң хәвплик дәриҗисини төвәнләткән.

Шинхуа агентлиқиниң хәвәр қилишичә, қәшқәр вилайәтлик коронас вируси юқумини контрол қилиш қоманданлиқ штаби 15-ноябир саәт нөлдин башлап қәшқәр конашәһәр наһийәсиниң ләңгәр базири, опал базири, ташмилиқ йезиси вә терим йезилирини юқум хәвпи «товән районлар» дәп елан қилған.

Бу йил 24-өктәбирдә қәшқәр конашәһәр наһийәси зәмин йезисиниң 3-кәнтидики бир хитай карханисида корона вируси тарқилип, қәшқәр конашәһәр наһийәси қамал қилинған. Вирус тунҗи болуп мәзкур йезидики бир хитай карханисида ишләйдиған 17 яшлиқ бир қизда байқалған. Бу кишиләрдә юқум мәҗбурий әмгәк лагерлириға тарқалдиму, дегән гуман қозғиған. Бирақ хитай һөкүмити учурни қаттиқ контрол қилип, юқумдарларниң конкрет әһвали һәққидә һечқандақ учур берип бақмиған.

Даириләр өткән һәптидин башлап районда юқумниң контрол қилинғанлиқи, йеңи юқумдар байқилип бақмиғанлиқини елан қилған иди. Уйғур аптоном районлуқ сәһийә назарити 16-ноябир йеқинқи 8 күндин бери районда һечқандақ юқумдар байқилип бақмиғанлиқини билдүргән. Уйғур аптоном районлуқ сәһийә назаритиниң тәкитлишичә, районда һазир қелип қалған мәвҗут юқумдарларниң сани 17 нәпәр, кесәллик аламити йоқ юқумдарларниң сани 130 нәпәр икән.

Пикирләр (0)
Share
Толуқ бәт