Qeshqer konasheher nahiyesidiki 4 yézining korona wirusidiki xewplik derijisi töwenlitilgen

Muxbirimiz erkin
2020-11-16
Élxet
Pikir
Share
Print

Xitay da'iriliri 15-noyabirdin bashlap qeshqer konasheher nahiyesidiki korona wirusi yuqumida "Xewplik rayon" dep qaralghan 4 yézining xewplik derijisini töwenletken.

Shinxu'a agéntliqining xewer qilishiche, qeshqer wilayetlik koronas wirusi yuqumini kontrol qilish qomandanliq shtabi 15-noyabir sa'et nöldin bashlap qeshqer konasheher nahiyesining lengger baziri, opal baziri, tashmiliq yézisi we térim yézilirini yuqum xewpi "Towen rayonlar" dep élan qilghan.

Bu yil 24-öktebirde qeshqer konasheher nahiyesi zemin yézisining 3-kentidiki bir xitay karxanisida korona wirusi tarqilip, qeshqer konasheher nahiyesi qamal qilin'ghan. Wirus tunji bolup mezkur yézidiki bir xitay karxanisida ishleydighan 17 yashliq bir qizda bayqalghan. Bu kishilerde yuqum mejburiy emgek lagérlirigha tarqaldimu, dégen guman qozghighan. Biraq xitay hökümiti uchurni qattiq kontrol qilip, yuqumdarlarning konkrét ehwali heqqide héchqandaq uchur bérip baqmighan.

Da'iriler ötken heptidin bashlap rayonda yuqumning kontrol qilin'ghanliqi, yéngi yuqumdar bayqilip baqmighanliqini élan qilghan idi. Uyghur aptonom rayonluq sehiye nazariti 16-noyabir yéqinqi 8 kündin béri rayonda héchqandaq yuqumdar bayqilip baqmighanliqini bildürgen. Uyghur aptonom rayonluq sehiye nazaritining tekitlishiche, rayonda hazir qélip qalghan mewjut yuqumdarlarning sani 17 neper, késellik alamiti yoq yuqumdarlarning sani 130 neper iken.

Toluq bet