Xitay Uyghur élida kishilerning héssiyatini közitidighan kaméralarni sinaq qilmaqtiken

Muxbirimiz irade
2019-11-07
Élxet
Pikir
Share
Print

Xitay hökümiti Uyghur élida kishilerning héssiyatini közitish arqiliq ularning herikitini mölcherleydighan kaméralarni sinaq qilishni bashlighan.

"Téxnika xe'erliri" tor gézitining 5-noyabir küni tarqatqan xewirige qarighanda, bu kaméralar kishilerning chirayini sikanérlash arqiliq ularning chiray ipadilirini "Oquydiken" we ularning rohiy keypiyatini analiz qilish arqiliq jinayet gumandarlirini belgilep chiqidiken. 

Uyghur élidiki saqchi da'irilirige munasiwetlik li shyawyü isimlik bir tetqiqatchi bu gézitke qilghan sözide "Özlirining bu téxnika arqiliq térorluq we etkeschilik qatarliq qanunsiz qilmishlarning aldini alidighanliqini" bildürgen.

Melum bolushiche, Uyghur éli xitay hökümitining yuqiri téxnikiliq nazaret sistimilirini sinaq qilidighan bazisigha aylandurulmaqta.

Amérikadiki kishilik hoquqni közitish teshkilati Uyghur élida qolliniliwatqan yuqiri téxnikiliq nazaret sistémisi heqqide élan qilghan bir parche doklatida Uyghur élidiki "Chong uchur ambiri" sistémisining emeliyette "Kashila peyda qilish éhtimalliqi bolghanlar" gha zerbe bérish iqtidarigha ige ikenlikini agahlandurghan. Ular da'irilerning hazir Uyghur élidiki basturush siyasitini yenimu kéngeytip, "Kashila peyda qilghanlar" ni jazalashtin halqip "Kashila peyda qilish éhtimali bar" larnimu jazalash dewrige ötkenlikini, jümlidin xitay hökümiti Uyghur élida sadaqitidin guman qilghan her qandaq kishini "Qayta terbiye lagérliri" gha ewetishke teyyarliniwatqanliqini eskertken.

Toluq bet