Бүгүрдә 5.3 Бал йәр тәвриди , бир қисим пойизлар кечиклтүрүлди

Мухбиримиз меһрибан
2016-01-14
Елхәт
Пикир
Share
Принт

Хитай таратқулири 14-январ пәйшәнбә күни шу йәр вақти 5 тин 18 өткәндә, байинғолин аптоном областиниң бүгүр наһийисидә 5.3 Бал йәр тәвригәнликини хәвәр қилди.

Хитайниң җуңго хәвәрләр тори, хитай йәр тәврәш ториниң мәлуматидин нәқил елип бәргән хәвиридә, бу қетимқи йәр тәврәшниң бүгүр наһийә мәркизигә 47 километир келидиған шималий тағ районида йүз бәргәнлики, йәр тәврәш сәһәр мәзгилидә йүз бәргини үчүн бүгүр наһийиси, корла шәһири, йәнҗи наһийиси қатарлиқ җайларда кишиләрниң чөчүп ойғанғанлиқи, тәврәшниң 50 километир даиридики 26 нуқтида қаттиқ силкиниш әһвали көрүлгәнлики қатарлиқларни хәвәр қилди.

Хитай хәвәрлиридә , йәр тәврәшниң қатнашқа қулайсизлиқ елип кәлгәнлики тилға елинип, корла пойиз линийәсидә қатнайдиған 9 қетимлиқ пойизниң кечиктүрүлгәнлики, йәр тәврәш идариси хадимлириниң айропилан арқилиқ йәр тәврәш мәркизигә келип ичкириләп тәкшүрүш елип бериватқанлиқи баян қилинди, хитай хәвәрлиридә бу қетимқи йәр тәврәш апити елип кәлгән зиянлар һәққидә тохталмиған болуп, хәвәрдә дәсләпки тәкшүрүштә өлүш , яриниш әһвали һәққидә һазирчә мәлумат йоқлуқи әскәртилгән.

Пикирләр (0)
Share
Толуқ бәт