Бәш миң хитай оқуғучи уйғурлар дияриға хизмәткә әвәтилди

Мухбиримиз әзиз
2019-07-31
Елхәт
Пикир
Share
Принт

Һәр дәриҗилик уйғур кадирлар «икки йүзлимичи» яки башқа намдики бәтнамлар билән тутқун қилиниватқанда хитай һөкүмитиниң юқири мааш вә түрлүк тәминат вәдилири билән миңлиған хитай оқуғучиларни уйғурлар дияриға берип ишләшкә чақириқ қиливатқанлиқи диққәт қозғап кәлгән иди. Йеқинда бу һәқтә көпләп берилгән хизмәтчи қобул қилиш еланлириниң нәтиҗиси сүпитидә миңлиған хитай оқуғучиларниң уйғурлар дияриға берип, асасий қатлам кадири болушқа атланғанлиқи мәлум болди.

«Хитай яшлар гезити» ниң 31-июлдики хәвиридә ейтилишичә, хитай һөкүмитиниң «ғәрб пилани» бойичә хитай өлкилиридин топланған 3300 дин артуқ хитай оқуғучи үрүмчи шәһиридики «шинҗаң йеза игилик университети» да йолға чиқиш мурасими өткүзгән. Уйғур аптоном райониниң муавин рәиси җав чоңҗю сөз қилип, уларни «яхши ишләп мушу җайда йилтиз тартип қелиш» қа чақирған.

Буниңдин бир күн аввал биңтуәнниң полк мәйданлириға атлинидиған 1800 оқуғучини узитип қоюш мурасими шинҗаң педагогика университетида өткүзүлгән.

Анализчилар бу һәқтә пикир қилип «асасий қатламға чүшүп рәһбирий һоқуқни игиләйдиған бу хитай оқуғучилири арқилиқ хитай һөкүмити өзлириниң уйғурларға болған контроллуқини техиму күчәйтишни мәқсәт қилған,» дәп көрсәтти.

Пикирләр (0)
Share
Толуқ бәт