Besh ming xitay oqughuchi Uyghurlar diyarigha xizmetke ewetildi

Muxbirimiz eziz
2019-07-31
Élxet
Pikir
Share
Print

Her derijilik Uyghur kadirlar "Ikki yüzlimichi" yaki bashqa namdiki betnamlar bilen tutqun qiliniwatqanda xitay hökümitining yuqiri ma'ash we türlük teminat wediliri bilen minglighan xitay oqughuchilarni Uyghurlar diyarigha bérip ishleshke chaqiriq qiliwatqanliqi diqqet qozghap kelgen idi. Yéqinda bu heqte köplep bérilgen xizmetchi qobul qilish élanlirining netijisi süpitide minglighan xitay oqughuchilarning Uyghurlar diyarigha bérip, asasiy qatlam kadiri bolushqa atlan'ghanliqi melum boldi.

"Xitay yashlar géziti" ning 31-iyuldiki xewiride éytilishiche, xitay hökümitining "Gherb pilani" boyiche xitay ölkiliridin toplan'ghan 3300 din artuq xitay oqughuchi ürümchi shehiridiki "Shinjang yéza igilik uniwérsitéti" da yolgha chiqish murasimi ötküzgen. Uyghur aptonom rayonining mu'awin re'isi jaw chongjyu söz qilip, ularni "Yaxshi ishlep mushu jayda yiltiz tartip qélish" qa chaqirghan.

Buningdin bir kün awwal bingtu'enning polk meydanlirigha atlinidighan 1800 oqughuchini uzitip qoyush murasimi shinjang pédagogika uniwérsitétida ötküzülgen.

Analizchilar bu heqte pikir qilip "Asasiy qatlamgha chüshüp rehbiriy hoquqni igileydighan bu xitay oqughuchiliri arqiliq xitay hökümiti özlirining Uyghurlargha bolghan kontrolluqini téximu kücheytishni meqset qilghan," dep körsetti.

Toluq bet