Хитай һөкүмити алий мәктәп оқуғучилирини уйғур елигә берип йилтиз тартишқа тәшвиқ қилмақта

Мухбиримиз ирадә
2015-12-10
Елхәт
Пикир
Share
Принт

Хитай һөкүмитиниң һәр қайси өлкилиридики алий мәктәп пүттүргән хитай оқуғучиларни уйғур елигә берип йилтиз тартишқа риғбәтләндүридиғанлиқи илгири сүрүлмәктә.

«Тәңритағ» ториниң бу һәқтики хәвиридин қариғанда, хитай өлкилиридә алий мәктәп пүттүргән хитай оқуғучиларни «җәнубий шинҗаң йеза-базарлириға хизмәткә әвәтиш хитай компартийәсиниң зор истратегийилик орунлаштуруши» болуп, буниңға асасән бултур пәқәт хунән вә шәндуңдинла 200 дин артуқ студент ақсу вә қәшқәрдә хизмәткә орунлаштурулған. Бу йил даирә йәнә кеңәйтилип, хенән, сичүән, гәнсу қатарлиқ 8 өлкидин 600 дин артуқ студент мәхсус җәнубий уйғур елидики йеза-базарларда мәмурлуққа орунлаштурулған.

Хитай һөкүмити илгириму «ихтисаслиқ хадимларни уйғур елигә әвәтиш, қош тил оқутқучиси сәпләш» қатарлиқ намлар астида хитайларни уйғур елигә йөткәп, алаһидә имтиязлар билән тәминлигән иди.

Һалбуки, дуня уйғур қурултийи вә хәлқарадики башқа кишилик һоқуқ органлири болса алий мәктәп пүттүргән уйғур яшлири арисида еғир ишсизлиқ мәвҗут болуп туруватқан бир шараитта йөткәп келингән хитай көчмәнлириниң уйғур елидә наразилиққа сәвәб болуватқанлиқини көрсәтмәктә.

Бирақ тәңритағ хәвәрләр ториниң ейтишичә, уйғур ели партком секретари җаң чүншйән бу хитай студентларни «шинҗаңниң иҗтимаий муқимлиқи вә әбәдий әминликини әмәлгә ашуруштики муқәддәс бурчни зиммисигә алғучилар» дәп тәриплигән.

Пикирләр (0)
Share
Толуқ бәт