Xitay hökümiti aliy mektep oqughuchilirini Uyghur élige bérip yiltiz tartishqa teshwiq qilmaqta

Muxbirimiz irade
2015-12-10
Élxet
Pikir
Share
Print

Xitay hökümitining her qaysi ölkiliridiki aliy mektep püttürgen xitay oqughuchilarni Uyghur élige bérip yiltiz tartishqa righbetlendüridighanliqi ilgiri sürülmekte.

"Tengritagh" torining bu heqtiki xewiridin qarighanda, xitay ölkiliride aliy mektep püttürgen xitay oqughuchilarni "Jenubiy shinjang yéza-bazarlirigha xizmetke ewetish xitay kompartiyesining zor istratégiyilik orunlashturushi" bolup, buninggha asasen bultur peqet xunen we shendungdinla 200 din artuq studént aqsu we qeshqerde xizmetke orunlashturulghan. Bu yil da'ire yene kéngeytilip, xénen, sichüen, gensu qatarliq 8 ölkidin 600 din artuq studént mexsus jenubiy Uyghur élidiki yéza-bazarlarda memurluqqa orunlashturulghan.

Xitay hökümiti ilgirimu "Ixtisasliq xadimlarni Uyghur élige ewetish, qosh til oqutquchisi seplesh" qatarliq namlar astida xitaylarni Uyghur élige yötkep, alahide imtiyazlar bilen teminligen idi.

Halbuki, dunya Uyghur qurultiyi we xelq'aradiki bashqa kishilik hoquq organliri bolsa aliy mektep püttürgen Uyghur yashliri arisida éghir ishsizliq mewjut bolup turuwatqan bir shara'itta yötkep kélin'gen xitay köchmenlirining Uyghur élide naraziliqqa seweb boluwatqanliqini körsetmekte.

Biraq tengritagh xewerler torining éytishiche, Uyghur éli partkom sékrétari jang chünshyen bu xitay studéntlarni "Shinjangning ijtima'iy muqimliqi we ebediy eminlikini emelge ashurushtiki muqeddes burchni zimmisige alghuchilar" dep teripligen.

Toluq bet