Өзбекистан һөкүмити хитайға тутушидиған тәбиий газ йәткүзүш туруба қурулушини тохтатқан

Мухбиримиз қутлан
2017-03-04
Елхәт
Пикир
Share
Принт


Игилинишичә, өзбекистан һөкүмити хитайға тутушидиған тәбий газ йәткүзүш туруба қурулуши түрини йеқинда тохтатқанлиқини елан қилған.

Өзбекистан сүний һәмраһ ториниң 2-марттики хәвиригә қариғанда, өзбекистан нефит вә тәбиий газ баш ширкити оттура асиядин хитайға тутушидиған тәбиий газ йәткүзүш туруба йолиниң 4-линийә қурулушини тохтатқан. Алақидар мәнбәләр өзбекистан чиқарған бу қарарниң «вақит чеки йоқ тохтитиш» икәнликини илгири сүрмәктә.

Игилинишичә, өзбекистан билән хитай нефит ширкәтлири һәмкарлиқидики бу түр 2016-йили 4-айда иш башлашни қарар қарар қилған болсиму, әмма өткән йили 12-айға кечиккән. Хитай зор миқдарда мәбләғ салған, чегра һалқиған бу зор қурулуш бу қетим өзбекистан тәрипидин туюқсиз тохтитилған.

Мәлумки, хитай өзиниң ениргийә мәнбәсигә болған күчлүк еһтияҗини қамдаш үчүн уйғур дияридин һалқип чиқип оттура асиядики дөләтләрниң нефит вә тәбиий газ байлиқлириға көз тиккән иди. Һалбуки, өзбекистанниң хитай билән болған ениргийә содисидин баш тартиши хитайниң оттура асияға салған ғайәт зор мәблиғини еғир зиянға учритидикән.

Көзәткүчиләр, өзбекистанниң хитайға тутушидиған тәбиий газ йәткүзүш туруба қурулушини тохтитиши йеқинда путинниң оттура асия зиярити билән мунасивәтлик болуши мумкин, дегән тәхминни илгири сүрмәктә.

Пикирләр (0)
Share
Толуқ бәт