Вашингтон почтиси: «хитай, мәдәнийәт қирғинчилиқи арқилиқ ‹гүзәл тинчлиқ' яратмақта»

Мухбиримиз әркин
2019-11-26
Елхәт
Пикир
Share
Принт

Хитайниң өткән һәптә ашкариланған уйғурлар тоғрисидики мәхпий һөҗҗити хәлқарадики нопузлуқ таратқуларниң инкаслирини қозғимақта.

«Вашингтон почтиси» гезити 25‏-ноябир күни тәһрират мақалиси елан қилип, уйғур районидики «гүзәл тинчлиқ» хитайниң мәдәнийәт қирғинчилиқи бәдилигә кәлгәнликини билдүргән. Мақалидә, хитайниң 24‏-ноябир күни ашкариланған лагерлар һәққидики мәхпий һөҗҗити анализ қилинип, хитай даирилириниң бу һөҗҗәтләрни «сахта» дәп рәт қилғанлиқи тәнқидләнгән. Вашингтондики «хәлқара тәкшүрүш ахбаратчилиқи бирләшмиси» 24‏-ноябир күни хитайниң лагердики тутқунларни қандақ башқуруш тоғрисидики мәхпий һөҗҗәтлирини ашкарилап, хәлқарада қаттиқ ғулғула қозғиғаниди.

«Вашингтон почтиси» гезитиниң «хитай мәдәнийәт қирғинчилиқ арқилиқ гүзәлликкә еришмәктә» сәрләвһилик тәһрират мақалисидә қәйт қилинишичә, гәрчә хитай һөкүмити уйғур районидики лагерларниң «кәспий техника мәркәзлири» икәнликини илгири сүрүп, униң «қайта-тәрбийәләш яки йиғивелиш лагерлири» әмәсликини тәкитлисиму, лекин йеңи ашкариланған мәхпий һөҗҗәтләрдин бу җайларниң «әмәлийәттә рәһимсиз, зорлаш характерлик, вәһшиянә меңә ююш орунлири икәнлики көрүлүп турмақта» икән.

Мақалидә йәнә, бу мәхпий һөҗҗәтләрниң ашкарилинишиниң пәвқуладдә муһим вәқә икәнлики, униңда «мәдәнийәт қирғинчилиқи» ниң ашкариланғанлиқи тәкитләнгән. Мақалидә, хитайниң лондонда турушлуқ баш әлчиси лю шавмиңниң бу һөҗҗәтләрни «пүтүнләй тоқуп чиқилған сахта һөҗҗәт»» дәп инкар қилғанлиқи тәнқидлинип, «һәқиқий сахта хәвәрниң немиликини һәммә көрүп йәткәнлики, хитайниң мәдәнийәт қирғинчилиқ арқилиқ өзиниң ‹гүзәл тинчлиқи» ни ишқа ашурғанлиқи» тәкитләнгән.

24‏-Ноябир күни йәнә иреландийәдики «айриш вақти гезити» тәһрират мақалиси елан қилип, бу вәһшийликкә заманиви дуняда орун йоқлуқини билдүргән. Мақалидә, әгәр хитай билән болған мунасивәтләрни күчәйтиш бу хил хорлуқларға чидашни керәк қилса, буниң бәдили бәк юқири болидиғанлиқи тәкитләнгән.

Пикирләр (0)
Share
Толуқ бәт