Washin'gton pochtisi: "Xitay, medeniyet qirghinchiliqi arqiliq 'güzel tinchliq' yaratmaqta"

Muxbirimiz erkin
2019-11-26
Élxet
Pikir
Share
Print

Xitayning ötken hepte ashkarilan'ghan Uyghurlar toghrisidiki mexpiy höjjiti xelq'aradiki nopuzluq taratqularning inkaslirini qozghimaqta.

"Washin'gton pochtisi" géziti 25‏-noyabir küni tehrirat maqalisi élan qilip, Uyghur rayonidiki "Güzel tinchliq" xitayning medeniyet qirghinchiliqi bedilige kelgenlikini bildürgen. Maqalide, xitayning 24‏-noyabir küni ashkarilan'ghan lagérlar heqqidiki mexpiy höjjiti analiz qilinip, xitay da'irilirining bu höjjetlerni "Saxta" dep ret qilghanliqi tenqidlen'gen. Washin'gtondiki "Xelq'ara tekshürüsh axbaratchiliqi birleshmisi" 24‏-noyabir küni xitayning lagérdiki tutqunlarni qandaq bashqurush toghrisidiki mexpiy höjjetlirini ashkarilap, xelq'arada qattiq ghulghula qozghighanidi.

"Washin'gton pochtisi" gézitining "Xitay medeniyet qirghinchiliq arqiliq güzellikke érishmekte" serlewhilik tehrirat maqaliside qeyt qilinishiche, gerche xitay hökümiti Uyghur rayonidiki lagérlarning "Kespiy téxnika merkezliri" ikenlikini ilgiri sürüp, uning "Qayta-terbiyelesh yaki yighiwélish lagérliri" emeslikini tekitlisimu, lékin yéngi ashkarilan'ghan mexpiy höjjetlerdin bu jaylarning "Emeliyette rehimsiz, zorlash xaraktérlik, wehshiyane ménge yuyush orunliri ikenliki körülüp turmaqta" iken.

Maqalide yene, bu mexpiy höjjetlerning ashkarilinishining pewqul'adde muhim weqe ikenliki, uningda "Medeniyet qirghinchiliqi" ning ashkarilan'ghanliqi tekitlen'gen. Maqalide, xitayning londonda turushluq bash elchisi lyu shawmingning bu höjjetlerni "Pütünley toqup chiqilghan saxta höjjet"" dep inkar qilghanliqi tenqidlinip, "Heqiqiy saxta xewerning némilikini hemme körüp yetkenliki, xitayning medeniyet qirghinchiliq arqiliq özining 'güzel tinchliqi" ni ishqa ashurghanliqi" tekitlen'gen.

24‏-Noyabir küni yene irélandiyediki "Ayrish waqti géziti" tehrirat maqalisi élan qilip, bu wehshiylikke zamaniwi dunyada orun yoqluqini bildürgen. Maqalide, eger xitay bilen bolghan munasiwetlerni kücheytish bu xil xorluqlargha chidashni kérek qilsa, buning bedili bek yuqiri bolidighanliqi tekitlen'gen.

Toluq bet