«Вашингтон почтиси» гезити: «корона вируси юқуми хитай билән болған илмий һәмкарлиқниң хәтирини ашкарилап бәрди»

Мухбиримиз әркин
2020-04-24
Елхәт
Пикир
Share
Принт

«Вашингтон почтиси’» гезитиниң обзорчиси җош роген мақалә елан қилип, корона вируси юқуми хитай билән болған илмий һәмкарлиқниң хәтирини ашкарилап бәргәнлики, ғәрб өзиниң хитай билән болған һәрқандақ илмий һәмкарлиқида униң буни сүйиистимал қилишиға йол қоймаслиқи керәкликини билдүргән.

Униң тәкитлишичә, ғәрблик тәтқиқатчилар хитай билән болған илмий һәмкарлиқта бир һалқилиқ нуқтиға сәл қарап кәлгән. У болсиму хитайда һәр қандақ илмий тәтқиқат компартийәниң буйруқиға мутләқ бойсунидиғанлиқи икән.

У буниң хитайда узундин бери мәвҗут әһвал болсиму, лекин бу қетим компартийәниң корона вируси юқумини йошурушида техиму гәвдилик ипадиләнгәнликини тәкитлигән. Униң 23-апрел елан қилинған «корона вируси хитай билән болған илмий һәмкарлиқни хәтирини ашкарилап бәрди» мавзулуқ мәзкур мақалисидә америкадики мутәхәссисләрниң сөзи нәқил кәлтүрүлүп, хитай компартийиси вә дөлитиниң бу қетимқи юқумда «пән тәтқиқатқа рәһимсизлик билән арилишип, раст гәп қилғанларни җазалиғанлиқи, пакитларни йоқатқанлиқи, санлиқ учурларни контрол қилип, өз мәнпәәтини һәмминиң үстигә қойғанлиқи» ни билдүргән.

У йәнә америка дөләт хәвпсизлики даирилири билән пән тәтқиқат саһәсиниң хитай мәсилисидики тоқунуши корона вируси партлаштин бурунла өткүрләшкәнлики, уларниң өз ара бир-бири билән җедәл қилишниң орниға йеқиндин һәмкарлишип, хитай билән болған һәрқандақ илмий тәтқиқат һәмкарлиқиниң сүйиситемал қилинишиниң алдини елиши керәкликини тәкитлигән. Униң илгири сүрүшичә, хитай компартийәсиниң сиясий мәнпәәти аммиви саламәтликтин муһим орунда турмаслиқи керәк икән.

Пикирләр (0)
Share
Толуқ бәт