"Washin'gton pochtisi" géziti: "Korona wirusi yuqumi xitay bilen bolghan ilmiy hemkarliqning xetirini ashkarilap berdi"

Muxbirimiz erkin
2020-04-24
Élxet
Pikir
Share
Print

"Washin'gton pochtisi’" gézitining obzorchisi josh rogén maqale élan qilip, korona wirusi yuqumi xitay bilen bolghan ilmiy hemkarliqning xetirini ashkarilap bergenliki, gherb özining xitay bilen bolghan herqandaq ilmiy hemkarliqida uning buni süyi'istimal qilishigha yol qoymasliqi kéreklikini bildürgen.

Uning tekitlishiche, gherblik tetqiqatchilar xitay bilen bolghan ilmiy hemkarliqta bir halqiliq nuqtigha sel qarap kelgen. U bolsimu xitayda her qandaq ilmiy tetqiqat kompartiyening buyruqigha mutleq boysunidighanliqi iken.

U buning xitayda uzundin béri mewjut ehwal bolsimu, lékin bu qétim kompartiyening korona wirusi yuqumini yoshurushida téximu gewdilik ipadilen'genlikini tekitligen. Uning 23-aprél élan qilin'ghan "Korona wirusi xitay bilen bolghan ilmiy hemkarliqni xetirini ashkarilap berdi" mawzuluq mezkur maqaliside amérikadiki mutexessislerning sözi neqil keltürülüp, xitay kompartiyisi we dölitining bu qétimqi yuqumda "Pen tetqiqatqa rehimsizlik bilen ariliship, rast gep qilghanlarni jazalighanliqi, pakitlarni yoqatqanliqi, sanliq uchurlarni kontrol qilip, öz menpe'etini hemmining üstige qoyghanliqi" ni bildürgen.

U yene amérika dölet xewpsizliki da'iriliri bilen pen tetqiqat sahesining xitay mesilisidiki toqunushi korona wirusi partlashtin burunla ötkürleshkenliki, ularning öz ara bir-biri bilen jédel qilishning ornigha yéqindin hemkarliship, xitay bilen bolghan herqandaq ilmiy tetqiqat hemkarliqining süyisitémal qilinishining aldini élishi kéreklikini tekitligen. Uning ilgiri sürüshiche, xitay kompartiyesining siyasiy menpe'eti ammiwi salametliktin muhim orunda turmasliqi kérek iken.

Toluq bet