Neshriyat idarisining Uyghur bashliqi idé'ologiye sahesidiki bixeterlikini qoghdaydighanliqini wede qildi

Muxbirimiz méhriban
2017-05-30
Élxet
Pikir
Share
Print

Uyghur diyarida dawamlishiwatqan Uyghur qatarliq hökümet kadirlirining ochuq xet élan qilip, xitay kompartiyisige sadaqitini ipadilesh herikiti her sahe we her xil kesiplerdiki hökümet kadirliri arisida, idé'ologiye sahesidiki konkrét mezmunlar boyiche küresh qilish iradisini bildürüsh sheklide dawamlashmaqta.

Ötken jüme küni xitayning "Shinjang géziti"de xelq neshriyatining mu'awin bash muherriri eli toxtining ochuq xéti élan qilindi. Eli toxti ochuq xétide atalmish üch xil küchlerning "Millet, din, bayriqini kötürüwélip, ilmiy tetqiqatni bahane qilip, millet, tarix, din, medeniyettin paydilinip, tarixni burmilash, özgertish, yalghanni toqush, saxtiliq qilish arqiliq xitay kompartiyisini inkar qilishqa urun'ghanliqi, xitay hökümitining diniy, milliy siyasitige hujum qilghanliqi"ni alahide tekitligen we neshriyat saheside bu xil mezmundiki yazmilarning élan qilinishigha yol qoymaydighan iradisini ipadiligen.

Xitay da'iriliri Uyghurlar ziyaliyliri arisida idé'ologiye sahesidiki basturushni 60 yildin buyan dawamlashturup kéliwatqan bolup, 50-60 yillarda atalmish "Pan türkizm, yerlik milletchilikke zerbe bérish", 70-yillarda: "Burzhu'a idé'ologiyisige zerbe bérish", 90 yillarda "Bölgünchilik idiyilirige zerbe bérish" qatarliq her xil siyasiy heriketler arqiliq Uyghur ziyaliylirining milliy iptixarliq medeniyet kimliki iradisini basturup, milliy kimlik, milliy medeniyet heqqidiki kitab neshr buyumlirini cheklep kéliwatqan we nadir Uyghur yazghuchilirining eserlirini cheklep, ularni zerbe nishani qilmaqta. Téxi bir ay ilgirila xitay hökümet da'iriliri Uyghurlarning tarixi, medeniyitige a'it 100 din artuq kitabning cheklen'genlikini élan qilghan idi.

Toluq bet