Корона вируси билән юқумланғучиларниң сани давамлиқ ашмақта

Мухбиримиз ирадә
2020-02-27
Елхәт
Пикир
Share
Принт

 

«Тәңритағ тори» 27-феврал күни тарқатқан хәвиридә уйғур елида йәнә 9 нәпәр корона вируси юқумланғучисиниң сақийип дохтурханидин чиққанлиқи, нәтиҗидә сақайғанлар саниниң 43 нәпәргә йәткәнликини илгири сүрди. Бирақ хәвәрдә юқумланғучилар вә көзитиш астида туруватқанлар һәққидә һечқандақ санлиқ мәлумат берилмиди.


Хитай дөләтлик сәһийә комитети 26-феврал күни кечә саәт 24:00 кичә болған арилиқта мәмликәт миқясида йәнә 433 кишиниң юқумланғанлиқини доклат қилди. Ройтерс агентлиқиниң хәвәр қилишичә, бу бир күн илгирики елан қилинған 406 нәпәрдин көп икән. Бейҗиң шәһириму алдинқи күни йеңидин юқумланғучилар санини 0 дәп елан қилған болсиму, бирақ у 26-феврал күни йеңидин юқумланғучилар санини 10 дәп елан қилған. Нәтиҗидә хитайда омумий юқумланғучи сани 78,497 гә, өлгән киши сани 2,744 гә йәткән. 

Хитайниң һөкүмәт ахбарат васитилири уйғур елиниң юқум әһвали һәққидики санлиқ мәлуматларни йеңилашни 19-феврал күнидин етибарән тохтатқан иди. Униң бу һәрикити корона вирусиниң лагерларда тутуп турулуватқан милйонларчә бигунаһ кишигә юқуш еһтималлиқи чәтәлләрдә диққәт қозғиған мәзгилгә тоғра кәлгән болғачқа, күчлүк гуман қозғиған. 

Корона вируси һазир дуняниң һәрқайси җайлиридиму кәң тарқиливатқан болуп, буларниң ичидә иран, җәнубий корийә вә италийәниң әһвали бир қәдәр еғир. Һазир дуня миқясида вирус билән юқумланғучилар омумий сани82,446 гә, өлгәнләр 2,808 нәпәргә йәткән. 

Дуня сәһийә тәшкилатиниң башлиқи бүгүн қилған сөзидә барлиқ дөләтләрни вирусқа тәйярлиқ қилишқа агаһландуруп: «һәрқандақ бир дөләт бизгә бу вирус кәлмәйду, дәп ойлап қалса у һалда бу әҗәллик хаталиқ өткүзгәнлик болиду,» дегән.

 

Пикирләр (0)
Share
Толуқ бәт