Уйғур вәкилләр «хитай демократийә упуқи» намлиқ хәлқара йиғинида сөзләйду

Мухбиримиз әркин
2016-09-30
Елхәт
Пикир
Share
Принт

«Хитай демократийә упуқи» намлиқ хәлқара йиғин 2‏-өктәбир америкиниң нюйорк шәһиридә ечилиду. 3 Күнлүк йиғинда уйғур вәкилләр нутуқ сөзләйду.

Мәзкур йиғинға америка уйғур бирләшмисиниң рәиси илшат һәсән вә явропа шәрқий түркистан бирликиниң рәиси, илһам тохтини қоллаш гурупписиниң мәсули әнвәрҗан қатнишиду. Америка уйғур бирләшмисиниң рәиси илшат һәсән йиғинда, «шәрқий түркистанниң мустәқиллиқ асаси»дегән темида нутуқ сөзләп, уйғурларниң мустәқил болушини, хитай демократлириниң буни қоллиши керәкликини оттуриға қойидикән.

Бу йиғинни хитай демократийә мунбири, «бейҗиң баһари» журнили вә америка нюйорк шәһәрлик университети биргә тәшкиллигән. Йиғинда бәзи америкилиқлар вә вей җиңшиң, чен покоң, хяң шявҗи, ваң җүнтав, хуаң сипиң, тең бяв қатарлиқ хитай өктичиләр нутуқ сөзләйду.

Ню шәһәрлик университетиниң сиясий пәнләр профессори, мәзкур йиғинниң баш риясәтчиси шя миң, радиомизға бәргән учурида, бу йиғинниң хитайда демократийә тәрәққияти арқиға чекиништәк бир вәзийәттә чақирилғанлиқини билдүрүп, йиғинда «хитайниң демократийәлишиш мумкинчилики барму-йоқ» дегән мәсилә музакирә қилидиғанлиқини билдүрди.

Униң көрситишичә, йиғинға тәклип қилинған аз санлқ милләт вәкиллири өзлириниң миллий нуқтиинәзири, район нуқтиинәзиридин демократийәлишиш җәрянини анализ вә тәһлил қилидикән. Шя миң, бу йиғин һазирғичә ечилған көлими әң зор йиғинларниң бири икәнликини билдүрди.

Пикирләр (0)
Share
Толуқ бәт