Uyghur wekiller "Xitay démokratiye upuqi" namliq xelq'ara yighinida sözleydu

Muxbirimiz erkin
2016-09-30
Élxet
Pikir
Share
Print

"Xitay démokratiye upuqi" namliq xelq'ara yighin 2‏-öktebir amérikining nyuyork shehiride échilidu. 3 Künlük yighinda Uyghur wekiller nutuq sözleydu.

Mezkur yighin'gha amérika Uyghur birleshmisining re'isi ilshat hesen we yawropa sherqiy türkistan birlikining re'isi, ilham toxtini qollash guruppisining mes'uli enwerjan qatnishidu. Amérika Uyghur birleshmisining re'isi ilshat hesen yighinda, "Sherqiy türkistanning musteqilliq asasi"dégen témida nutuq sözlep, Uyghurlarning musteqil bolushini, xitay démokratlirining buni qollishi kéreklikini otturigha qoyidiken.

Bu yighinni xitay démokratiye munbiri, "Béyjing bahari" zhurnili we amérika nyuyork sheherlik uniwérsitéti birge teshkilligen. Yighinda bezi amérikiliqlar we wéy jingshing, chén pokong, xyang shyawji, wang jüntaw, xu'ang siping, téng byaw qatarliq xitay öktichiler nutuq sözleydu.

Nyu sheherlik uniwérsitétining siyasiy penler proféssori, mezkur yighinning bash riyasetchisi shya ming, radi'omizgha bergen uchurida, bu yighinning xitayda démokratiye tereqqiyati arqigha chékinishtek bir weziyette chaqirilghanliqini bildürüp, yighinda "Xitayning démokratiyelishish mumkinchiliki barmu-yoq" dégen mesile muzakire qilidighanliqini bildürdi.

Uning körsitishiche, yighin'gha teklip qilin'ghan az sanlq millet wekilliri özlirining milliy nuqti'ineziri, rayon nuqti'ineziridin démokratiyelishish jeryanini analiz we tehlil qilidiken. Shya ming, bu yighin hazirghiche échilghan kölimi eng zor yighinlarning biri ikenlikini bildürdi.

Toluq bet