Турпан шәһәрлик маарип идариси мәктәпләрдә хитай тилида оқутушни күчәйтиш бойичә 5 түрлүк чарә елан қилған

Мухбиримиз қутлан
2017-07-29
Елхәт
Пикир
Share
Принт

Турпан шәһәрлик маарип идариси 27-июл күни уқтуруш чиқирип, шәһәр тәвәсидики башланғуч вә оттура мәктәпләрдә хитай тилидики оқутушни күчәйтиш бойичә 5 түрлүк чарә елан қилған.

Уқтурушта алди билән мәктәп рәһбәрлириниң «дөләт тили», йәни хитай тили сәвийисини күчәйтиш, шу арқилиқ мәктәпләрдики оқу-оқутушта дөләт тили қоллинишни пүтүн күч билән омумлаштуруш тәләп қилинған.

Уқтурушта хитай тили сәвийиси юқири болған 197 нәпәр кишиниң турпан тәвәсидики мәктәпләрниң рәһбәрлик орниға өстүрүлгәнликини, хитай тили сәвийиси өлчәмгә йәтмигән 69 нәпәр мәктәп рәһбириниң вәзиписидин қалдурулғанлиқи алаһидә тилға елинған.

Мәзкур уқтурушта «дөләт тили сәвийиси алаһидә гәвдилик болған намзатларни мәктәп рәһбәрликигә өстүрүш; дөләт тилида дәрс өтәләйдиған оқутқучиларни оттура қатлам кадирлар сепигә киргүзүш; дөләт тилида тәрбийилинишни күчәйтип, аз санлиқ милләт оқутқучилири күндә аз дегәндә бир саәт дөләт тили өгинишкә йетәкләш; дөләт тили сәвийиси күчлүк болған яш оқутқучиларни кәлгүсидики өстүрүш обекти қилип бекитиш; дөләт тили сәвийисини оқутқучиларниң йиллиқ хизмитини баһалаштики муһим шәрт қилиш» қатарлиқ 5 чарә көрситилгән.

Көзәткүчиләр, бу хитай һөкүмитиниң уйғур миллий маарипини хитайлаштуруш қәдиминиң мислисиз дәриҗидә күчәйгәнликиниң бир бәлгиси, дәп қаримақта.

Пикирләр (0)
Share
Толуқ бәт