Turpan sheherlik ma'arip idarisi mekteplerde xitay tilida oqutushni kücheytish boyiche 5 türlük chare élan qilghan

Muxbirimiz qutlan
2017-07-29
Élxet
Pikir
Share
Print

Turpan sheherlik ma'arip idarisi 27-iyul küni uqturush chiqirip, sheher tewesidiki bashlan'ghuch we ottura mekteplerde xitay tilidiki oqutushni kücheytish boyiche 5 türlük chare élan qilghan.

Uqturushta aldi bilen mektep rehberlirining "Dölet tili", yeni xitay tili sewiyisini kücheytish, shu arqiliq mekteplerdiki oqu-oqutushta dölet tili qollinishni pütün küch bilen omumlashturush telep qilin'ghan.

Uqturushta xitay tili sewiyisi yuqiri bolghan 197 neper kishining turpan tewesidiki mekteplerning rehberlik ornigha östürülgenlikini, xitay tili sewiyisi ölchemge yetmigen 69 neper mektep rehbirining wezipisidin qaldurulghanliqi alahide tilgha élin'ghan.

Mezkur uqturushta "Dölet tili sewiyisi alahide gewdilik bolghan namzatlarni mektep rehberlikige östürüsh؛ dölet tilida ders öteleydighan oqutquchilarni ottura qatlam kadirlar sépige kirgüzüsh؛ dölet tilida terbiyilinishni kücheytip, az sanliq millet oqutquchiliri künde az dégende bir sa'et dölet tili öginishke yéteklesh؛ dölet tili sewiyisi küchlük bolghan yash oqutquchilarni kelgüsidiki östürüsh obékti qilip békitish؛ dölet tili sewiyisini oqutquchilarning yilliq xizmitini bahalashtiki muhim shert qilish" qatarliq 5 chare körsitilgen.

Közetküchiler, bu xitay hökümitining Uyghur milliy ma'aripini xitaylashturush qedimining mislisiz derijide kücheygenlikining bir belgisi, dep qarimaqta.

Toluq bet