Atalmish "Shinjang wekiller ömiki" nyu york shehiride xitay teshwiqatini dawam ettürmekte

Muxbirimiz eziz
2017-10-31
Élxet
Pikir
Share
Print

Xitay hökümitining Uyghurlar diyaridiki qattiq qolluq siyasetliri we buninggha alaqidar mesililer gherb dunyasidiki herqaysi axbarat wasitiliride keng yer éliwatqan bir mezgilde xitaylar asas qilip teshkillen'gen "Shinjang medeniyet almashturush wekiller ömiki" ötken hepte amérikigha yétip kelgen idi.

Mezkur ömek téksas shtatidiki teshwiqatlirini tamamlighandin kéyin nyu york shehirige kelgen we bu jayda xitay hökümitining Uyghurlar siyasiti heqqidiki teshwiqatini dawam qilishqa bashlighan.

Xitay hökümitining bashqurushidiki "Xitay kündilik xewerliri" gézitining maqaliside körsitilishiche, ömek bashliqi zo féng "Sherqiy qirghaq xitay jem'iyetliri ittipaqi" qatarliq teshkilattikilerge "Shinjangdiki alemshumul özgirishlerni öz közi bilen körüp kélish" heqqide léksiye sözligen. Shuning bilen birge, Uyghurlar diyarining iqtisad, medeniyet we qatnash saheside, shuningdek insan heqliri we milliy, diniy siyasetler heqqide qandaq "Zor tereqqiyatlar" gha ige bolghanliqini chüshendürgen.

Melum bolushiche, mezkur ömekning bu qétimqi yene bir muhim teshwiqat témisi Uyghurlar diyarining xitay ijra qiliwatqan "Bir belwagh bir yol qurulushi" diki "Köznek" lik roli, shu munasiwet bilen Uyghurlarning qandaq zor pursetlerge ige bolidighanliqi iken.

Uyghurlar diyarining weziyitini yéqindin közitip kéliwatqan analizchilar bu heqte toxtilip, "Bu xildiki ömekler gherb dunyasigha Uyghurlar diyari heqqide xata we yalghan uchurlarni tarqitish, shu arqiliq xitay hökümitining Uyghurlarni basturush siyasitining 'heqqaniy' ikenlikige jama'et pikri toplashni meqset qilghan" déyishmekte.

Toluq bet