Хитай адвокатлири җинән сақчи идариси алдида тутқун қилинди

Мухбиримиз меһрибан
2015-04-27
Елхәт
Пикир
Share
Принт

Хитайдики аммиви тәшкилат «хәлқ райини көзитиш ишханиси»ниң 27-апрел хәвәр қилишичә, хитайниң шәндуң өлкиси җинән сақчи идарисиниң дәрвазиси алдида қанун тәртип бойичә көрүшүшни тәләп қилған, шу шяңшин, ше яң қатарлиқ бир нәччә адвокат сақчилар тәрипидин тутқун қилинған.

Хәвәрдә, адвокат шу шяңшин вә униң аяли тутқун қилинғандин кейин, җинән овти мәркизи сақчиханисиға солап қоюлғанлиқи, қалған адвокатларниң җинән шәһәрлик сақчиханиниң әрзийәт ишханисида тутуп турулуватқанлиқи тилға елинған.

Радиомиз игилигән әһваллардин мәлум болушичә, шу шяңшин қатарлиқ адвокатлар тутқун қилиништин илгири, җинәндә тутқун қилинған кишилик һоқуқ актиплириға ақлиғучи адвокатлиққа тәклип қилинған болуп, шу сәвәбтин улар илгири сақчи даирилириниң агаһландурушиға учриған.

Пикирләр (0)
Share
Толуқ бәт