Тонулуватқан адвокат ляң шявҗүн: адвокатлиқ йолумға уйғур делоси сәвәб болди

Мухбиримиз шөһрәт һошур
2017-07-26
Елхәт
Пикир
Share
Принт

Бир түркүм сәпдашлириниң йәни кишилик һоқуқ адвокатлириниң хитайда тутқун қилиниш вәқәси һәққидә нюйорк вақти гезитиниң зияритини қобул қилған, тонулуватқан адвокат ляң шявҗүн өзиниң адвокатлиқ йолини таллшиға у дуч кәлгән бир уйғур делоси түрткә болған.

Нюйорк вақти гезитиниң бүгүнки бу һәқтики мақалисидә баян қилинишичә, ляң шявҗүн 2008 ‏-йили бир адвокат достиниң һавалиси билән, бир уйғур мәһкум билән сөзләшкән. У бөлгүнчилик вә дөләт мәхпийәтликини ашкарилаш билән тутулған бу мәһкум билән сөзлишиш давамида, униң әсли җазалиниш сәвәбиниң христиан динини қобул қилғанлиқи икәнликини байқиған. Әслидә садиқ бир компартийә әзасиниң пәрзәнти болған вә бейҗиңда сиясий қанун оқуған ляң шявҗүн, өзигә қучақ ечип турған бирмунчә әвзәлликләрдин ваз кечип, кишилик һоқуқ адвокати болушни көңлигә пүккән.

Ляң шявҗүн бу сәвәбни өткән йили хитайчә бүйүк ира гезитиниң зияритини қобул қилғандиму баян қилған. У чағдики баянида мәзкур мәһкумниң исминиң алимҗан икәнликини тилға алған.

Пикирләр (0)
Share
Толуқ бәт