Tonuluwatqan adwokat lyang shyawjün: adwokatliq yolumgha Uyghur délosi seweb boldi

Muxbirimiz shöhret hoshur
2017-07-26
Élxet
Pikir
Share
Print

Bir türküm sepdashlirining yeni kishilik hoquq adwokatlirining xitayda tutqun qilinish weqesi heqqide nyuyork waqti gézitining ziyaritini qobul qilghan, tonuluwatqan adwokat lyang shyawjün özining adwokatliq yolini tallshigha u duch kelgen bir Uyghur délosi türtke bolghan.

Nyuyork waqti gézitining bügünki bu heqtiki maqaliside bayan qilinishiche, lyang shyawjün 2008 ‏-yili bir adwokat dostining hawalisi bilen, bir Uyghur mehkum bilen sözleshken. U bölgünchilik we dölet mexpiyetlikini ashkarilash bilen tutulghan bu mehkum bilen sözlishish dawamida, uning esli jazalinish sewebining xristi'an dinini qobul qilghanliqi ikenlikini bayqighan. Eslide sadiq bir kompartiye ezasining perzenti bolghan we béyjingda siyasiy qanun oqughan lyang shyawjün, özige quchaq échip turghan birmunche ewzelliklerdin waz kéchip, kishilik hoquq adwokati bolushni könglige pükken.

Lyang shyawjün bu sewebni ötken yili xitayche büyük ira gézitining ziyaritini qobul qilghandimu bayan qilghan. U chaghdiki bayanida mezkur mehkumning ismining alimjan ikenlikini tilgha alghan.

Toluq bet