Хитай адвокатлири хәлқ қурултийини б д т кишилик һоқуқ әһдинамисини тезрәк тәстиқлашқа чақирди

Мухбиримиз әркин
2013-12-31
Елхәт
Пикир
Share
Принт

Хитайдики 100 дин артуқ кишилик һоқуқ адвокати сәйшәнбә күни чақириқнамә елан қилип, хитай мәмликәтлик хәлқ қурултийини б д т ниң «вәтәндашлиқ һоқуқи вә сиясий һәқләр әһдинамиси» ни тезрәк тәстиқлашқа чақирди.

Чақириқнамидә билдүрүшичә, җуңго буниңдин 15 йил аввал мәзкур хәлқара әһдинамигә имза қойған болсиму, бирақ әһдинамини тәстиқлашни һазирға қәдәр кечиктүрүп кәлгән. 2013‏-Әмәлдарларниң мал-мүлкини ашкарилашни тәләп қилған пуқраларни, сот мәһкимисидә ақлиғучилиқ қилған адвокатларни, торда һөкүмәтни тәнқид қилғучиларни тутқун қилиш вә уруш вәқәлири давамлиқ садир болған.

Уйғур кишилик һоқуқ әрзийәт ишлириға арилишип, хитайниң уйғур елидики бастуруш һәрикәтлирини қанунсизлиқ билән тәнқидләп кәлгән бейҗиңлиқ адвокат җяң тйәнюңниң билдүрүшичә, 2013‏-йили асаси кишилик һоқуққа, б д т вәтәндашлиқ һоқуқи вә сиясий һәқләр әһдинамисигә четишлиқ нурғун вәқә йүз бәргән. Җяң тйәнюң бурун хитай даирилириниң үрүмчи «5‏-июл вәқәси»дә қолға елинған уйғурларға ачқан сотини тәнқидләп, сотниң қанун тәртипкә пүтүнләй хилап икәнликини билдүргән иди.

Мәзкур чақириқнамигә имза қойған җеҗяңлиқ адвокат ваң чен мундақ дегән: һәр қандақ бир дөләттики пуқраларниң сиясий һоқуқи вә башқа һоқуқлири бир пүтүнлүккә игә. Әгәр сиясий һоқуқ болмиса, башқа һечқандақ һоқуқ капаләткә игә болмайду.

Пикирләр (0)
Share
Толуқ бәт