Xitayning bishkektiki elchixanisi aptomobil bomba hujumigha uchridi

Muxbirimiz méhriban
2016-08-30
Élxet
Pikir
Share
Print

30-Awghust xitayning qirghizistanning bishkek shehiridiki elchixanisi aptomobil bomba hujumigha uchridi.

Roytérs agéntliqi, firansiye radiyosi qatarliq xelq'ara taratqularning xewerliridin melum bolushiche, adem bomba hujumchisi bomba orunlashturulghan aptomobilni elchixana tewelikige kiridighan derwazigha üstürgen. Weqede, adem bomba hujumchisi ölgen, elchixanining ikki neper xadimi bilen bir ayal yarilan'ghan.

Firansiye radi'osining xewiride déyilishiche, qirghizistanning mu'awin bash ministiri jénish razakof weqedin kéyin muxbirlarning ziyaritini qobul qilip, weqening özini qoshup partlitish hujumi ikenlikini, aptomobil shopurining neq meydanda ölgenlikini, undin bashqa xitayning qirghizistan elchixanisidiki 3 neper xadimining yarilan'ghanliqi qatarliqlarni bildürgen. Xewerde yene qirghizistan ichki ishlar ministirliqi bayanatchisining mezkur weqeni térrorluq hujumi dep teripligenliki tilgha élindi.

Roytérs agéntliqining mezkur weqe heqqidiki xewiride, weqedin kéyin xitay hökümitining derhal inkas qayturup weqeni térrorluq hujumi dep eyibligenliki we yene qirghizistan prézidénti almasbék atambayéfning, seyshenbe küni qirghizistanda yüz bergen xitay elchixanisigha qaritilghan partlitish hujumidin kéyin, qirghizistanda térrorluqqa qarshi tedbirni kücheytishni tekitligenliki qatarliqlar tilgha élindi. Melum bolushiche, partlashtin kéyin qirghizistan paytexti bishkektiki xitay we amérika elchixaniliridiki xizmetchi xadimlar tarqaqlashturulghan.

Toluq bet