Lyuk patéy: "Xitayning iqtisadiy tereqqiyati démokratiye we erkinlikke tehdit élip kéliwatidu"

Muxbirimiz shöhret hoshur
2017-12-28
Élxet
Pikir
Share
Print

Bügün daniyelik tetqiqatchi lyuk patéy (Luke Patey) "Nyuyork waqti géziti" de maqale élan qilip, xitayning iqtisadiy tereqqiyatining, jümlidin "Bir yol bir belwagh" qurulushi da'iriside bésiwatqan qedemlirining dunya miqyasida erkinlik we démokratiyige tehdit shekillendürgenlikini ilgiri sürdi.

Uning bayan qilishiche, xitay xelq'ara sodida yawropaning erkin bazar sistémisidin toluq behrimen bolup öz iqtisadini küchlendürse, bu küchini özliri tehdit dep qarawatqan démokratiye bilen erkinlikini boghush we tunjuqturush üchün ishletmekte.

U maqaliside dölet himayisidiki xitay tijaretchilerning awstraliyede sam dastyarigha oxshash siyasetchilerni ündekke keltürüp awstraliye siyasitige tesir körsitishke urun'ghanliqi, alma shirkiti qatarliq xelq'ara shirketlerning xitayning nazaretchilik telipige boyun egkenliki qatarliq misallarni tilgha aldi.

Lyuk patéyning yene bayan qilishiche, xitay öz bazirida chet'el shirketlirini chetke qéqish bilen birlikte yene uning ilghar téxnikilirini oghrilimaqtiken. Maqalide amérikining xitayni emdiletin "Istratégiyilik reqib" dep tonughanliqini, emma tereqqiy qiliwatqan döletlerning bu tehditni xéli burunla hés qilghanliqini otturigha qoydi. Maqalida yene argéntinaning xitay élip bériwatqan hidro éléktir qurulushini toxtitishi, xitay qurulush shirketlirining afriqida yerlik ishchilarning qarshiliqigha uchrishishi, pakistan we népaldimu bir qisim xitay qurulush pilanlirining ret qilinishi qatarliq hadisiler eslitip ötülgen. U yene diktator döletler bilen erkin we démokratik döletler arisida dostluq berpa qilishning qéyinliqi we bedilining éghirliqi eskertilgen. 

Aptor maqaliside yene xitay terepning mewjut pilan we tedbirliri bilen dunyada ulugh küchke aylinish chüshining ré'alliqqa aylanmaydighanliqini otturigha qoyghan.

Toluq bet