Xitay da'iriliri dölet bayrimi mezgilide idare bashliqlirining mes'uliyitini tekitlidi

Muxbirimiz méhriban
2016-09-27
Élxet
Pikir
Share
Print

Xitayning "Shinjang géziti"ning 27- séntebir seyshenbe künidiki xewiride, xitay merkizi hökümitining qarari bilen dölet bayrimida 7 künlük dem élish orunlashturulghanliqi, bu mezgilde Uyghur aptonom rayonida alahide uqturush chiqirilip, bir heptilik dölet bayrimiliq dem élish mezgilide qattiq bixeterlik tedbirliri élish tekitlen'genliki ilgiri sürüldi. Xewerdin melum bolushiche, herqaysi idarilerning 1- qol bashliqliridin bayram mezgilidiki bixeterlik mes'uliyiti qattiq sürüshtürülidighanliqi tekitlen'gen.

Inkaslardin melum bolushiche, bu yilliq qurban héyt mezgilidimu Uyghur aptonom rayonluq hökümet musulmanlarning diniy bayrimi qurban héytning xitayning en'eniwi bayrimi tawuz chaghini bilen bir waqitqa toghra kelgenliki üchün, 9-séntebirdin 16-séntebirgiche 7 kün dem élishqa qoyup bérilidighanliqini élan qilip, bayram mezgilide bixeterlik tedbirliri kücheytilidighanliqini bildürgen bolsimu, emma qurban héyt harpisida, yeni, 9- séntebir küni xotenning guma nahiyiside partlash weqesi yüz bergen idi.

Igilinishiche,9-séntebir küni gumada yüz bergen bu weqede saqchi idarisining mu'awin bashliqi qatarliq birqanche saqchi yerlik bomba yasiliwatqanliqi heqqide uchur élin'ghan bir gemini tekshürüsh jeryanida partlitish hujumigha uchrap hayatidin ayrilghan.

Xelq'ara taratqulardiki mezkur weqe heqqide bérilgen xewer analizlirida we közetküchilerning inkaslirida bu qétimqi partlashning xitay merkizi hökümiti teripidin Uyghur diyarigha yéngidin belgilen'gen partkom sékrétari chén chüen'go özining rayonda muqimliqini kücheytish üchün qattiq zerbe bérish siyasitini dawamlashturidighanliqini élan qilip, bir ay bolmayla yüz bérishi da'irilerning Uyghurlargha qaratqan qattiq qol siyasitining eksiche ünüm bérip, rayondiki naraziliq we qarshiliq keypiyatini kücheytiwatqanliqi ilgiri sürülgen idi.

Toluq bet