Kanadadiki ammiwi teshkilatlar trédo hökümitining xitay emeldarlirini jazalishini telep qilish herikiti bashlidi

Muxbirimiz erkin
2020-01-20
Élxet
Pikir
Share
Print

Kanadadiki ammiwi teshkilatlar trédo hökümitining "Kanada magnétiskiy qanuni" ni ishqa sélip, xongkong, tibet we Uyghur diyarida kishilik hoquqni depsende qiliwatqan xitay emeldarlirini jazalishini telep qilish herikiti bashlighan.

Kanadadiki "Yer shari xewerliri" téléwiziye qanilining 19‏-yanwar künidiki xewiride bayan qilishiche, memliket xaraktérlik bu heriket 19‏-yanwar küni torontodiki shimaliy york ammiwi merkizide bashlan'ghan. Kanadadiki kishilik hoquqni qoghdighuchilar kanadaning "Magnétiski kishilik hoquq qanuni" ni ishlitip, Uyghur rayonidiki kishilik hoquqni depsende qiliwatqan xitay emeldarlirini jazalishini telep qilip kelgen bolsimu, lékin trédo hökümiti hazirghiche mezkur qanunni ishqa sélip baqmighan idi.

"Yer shari xewerliri" ning xewiride 19‏-yanwar küni ötküzülgen shimaliy york ammiwi merkizidiki pa'aliyetke qanun sahesidiki mutexessisler we kanadadiki xongkong, tibet, Uyghur teshkilatlirining wekillirining qatnashqanliqini bildürgen. "Kanada magnétiskiy kishilik hoquq qanuni" da dunyaning her qaysi jaylirida kishilik hoquqni depsende qilghuchilargha qarita pul-mu'amile, soda sayahet émbargosi yürgüzüsh belgilen'gen.

Kanadadiki mek-donald-lawré'ir ammiwi siyaset institutining adwokati markuz kolgar "Yer shari xewerliri" ge söz qilip, "Eger biz émbargo qoysaq bu shexsler, emeldarlar we kishilik hoquqni depsende qilghuchilarning kanadada pul saqlishigha yol qoyulmasliqi, eger pul saqlighan bolsa musadire qilishimiz, sayahet qilishigha yol qoymasliqimiz kérek," dégen. Mezkur pa'aliyetke qatnashqan Uyghur pa'aliyetchi memet toxti xitayning Uyghurlargha qiliwatqan buzghunchiliqining tesiri heqqide toxtilip, "Bu yalghuz men üchünla emes, pütün Uyghurlar üchün bir psixologiyelik yimirilishtur. Chünki siz aningizning ölük yaki tiriklikini bilmeysiz," dégen. "Kanada magnitiskiy kishilik hoquq qanuni" 2017‏-yili maqullan'ghan idi.

Toluq bet