Уйғур елидики 8 нәпәр назир дәриҗилик әмәлдарға дело турғузулған

Мухбиримиз ирадә
2015-06-25
Елхәт
Пикир
Share
Принт

Уйғур елидики 8 нәпәр назир дәриҗилик әмәлдар үстидин парихорлуқ җинайити билән дело турғузулған.

Асия киндики хәвәрләр ториниң хәвиридин қариғанда, булар шинҗаң теббий университети парткоминиң сабиқ секретари ли бин, шинҗаң уйғур аптоном районлуқ хәлқ ишлири назарити партгурупписиниң секретари мо җүән, уйғур аптоном районлуқ хәлқ һава мудапиә комитети ишханисиниң сабиқ мудири җу шинйи, шинҗаң сақчи офитсерлар мәктипи парткоминиң секретари ли йәнмиң қатарлиқларни өз ичигә алидикән.

Хәвәрдин қариғанда, 2014-йилидин 2015-йили 5-айғичә пүтүн аптоном райондики тәптиш органлири тәкшүрүп ениқлиған хиянәтчилик, парихорлуқ, хизмәттә мәсулийәтсизлик қилиш, һоқуқиға дәхли тәрз қилиш қатарлиқ дело әһваллири бойичә 1235 киши тәкшүрүшкә елинған. Буларниң ичидә муһим делодин 60 и бар икән.

Уйғур көзәткүчиләр хитай һөкүмитиниң уйғур елигә қойған рәһбәрлири арисида хиянәтчилик, парихорлуқниң адәттики әһваллиқини, хитай һөкүмити уйғур елидә муқимлиқни сақлашни һәммидин әла билгәнлики үчүн парихор әмәлдарларниң нурғунлириға көз юмуватқанлиқини билдүрмәктә.

Пикирләр (0)
Share
Толуқ бәт