Uyghur élidiki 8 neper nazir derijilik emeldargha délo turghuzulghan

Muxbirimiz irade
2015-06-25
Élxet
Pikir
Share
Print

Uyghur élidiki 8 neper nazir derijilik emeldar üstidin parixorluq jinayiti bilen délo turghuzulghan.

Asiya kindiki xewerler torining xewiridin qarighanda, bular shinjang tébbiy uniwérsitéti partkomining sabiq sékrétari li bin, shinjang Uyghur aptonom rayonluq xelq ishliri nazariti partguruppisining sékrétari mo jüen, Uyghur aptonom rayonluq xelq hawa mudapi'e komitéti ishxanisining sabiq mudiri ju shinyi, shinjang saqchi ofitsérlar mektipi partkomining sékrétari li yenming qatarliqlarni öz ichige alidiken.

Xewerdin qarighanda, 2014-yilidin 2015-yili 5-ayghiche pütün aptonom rayondiki teptish organliri tekshürüp éniqlighan xiyanetchilik, parixorluq, xizmette mes'uliyetsizlik qilish, hoquqigha dexli terz qilish qatarliq délo ehwalliri boyiche 1235 kishi tekshürüshke élin'ghan. Bularning ichide muhim délodin 60 i bar iken.

Uyghur közetküchiler xitay hökümitining Uyghur élige qoyghan rehberliri arisida xiyanetchilik, parixorluqning adettiki ehwalliqini, xitay hökümiti Uyghur élide muqimliqni saqlashni hemmidin ela bilgenliki üchün parixor emeldarlarning nurghunlirigha köz yumuwatqanliqini bildürmekte.

Toluq bet