Уйғур елидики әмәлдар ваң чи вәзиписидин қалдурулған

Мухбиримиз ирадә
2016-09-29
Елхәт
Пикир
Share
Принт

Аптоном районлуқ интизам тәкшүрүш комитети уйғур елидики шинҗаң селинма тәрәққият (гуруһи) чәклик мәсулийәт ширкитиниң муавин партком секретари, интизам тәкшүрүш комитетиниң секретари ваң чини партийәдин қоғлап, хизмәттин һәйдигән. Униң интизамға хилап һалда йиғқан мал-мүлкини қайтурувелиш вә әдлийә органлириниң қанун бойичә бир тәрәп қилишиға тапшуруп бериш қарар қилинған.

Тәңритағ тори бу һәқтики хәвиридә, ваң чиниң хизмитидики қулайлиқтин пайдилинип пара алғанлиқини, тиҗарәт билән шуғулланғанлиқини вә йәр-җай вә кархана башқуруш ишлирида башқилардин зор миқдарда пара елиш арқилиқ нәп алғанлиқини баян қилған.

Йеқинқи бир қанчә һәптә ичидә уйғур район даирилири арқа-арқидин, қумул, турпан, корла вә хотән шәһәрлик партком секретарлириниң вәзиписидин елип ташланғанлиқини елан қилди. Илгирики мушуниңға охшаш хәвәрләрниң әксичә бу кишиләрниң қилмишлири шундақла кишилик әхлақиға четилидиған мәсилилириму тәпсилий елан қилинди.

Чәтәлләрдики уйғур ели вәзийитини көзәткүчиләр, уйғур елидики әмәлдарларниң чекидин ашқан чирикликиниң уйғурларни нарази қиливатқан муһим амилларниң бири икәнликини билдүрмәктә.

Пикирләр (0)
Share
Толуқ бәт