Uyghur élidiki emeldar wang chi wezipisidin qaldurulghan

Muxbirimiz irade
2016-09-29
Élxet
Pikir
Share
Print

Aptonom rayonluq intizam tekshürüsh komitéti Uyghur élidiki shinjang sélinma tereqqiyat (guruhi) cheklik mes'uliyet shirkitining mu'awin partkom sékrétari, intizam tekshürüsh komitétining sékrétari wang chini partiyedin qoghlap, xizmettin heydigen. Uning intizamgha xilap halda yighqan mal-mülkini qayturuwélish we edliye organlirining qanun boyiche bir terep qilishigha tapshurup bérish qarar qilin'ghan.

Tengritagh tori bu heqtiki xewiride, wang chining xizmitidiki qulayliqtin paydilinip para alghanliqini, tijaret bilen shughullan'ghanliqini we yer-jay we karxana bashqurush ishlirida bashqilardin zor miqdarda para élish arqiliq nep alghanliqini bayan qilghan.

Yéqinqi bir qanche hepte ichide Uyghur rayon da'iriliri arqa-arqidin, qumul, turpan, korla we xoten sheherlik partkom sékrétarlirining wezipisidin élip tashlan'ghanliqini élan qildi. Ilgiriki mushuninggha oxshash xewerlerning eksiche bu kishilerning qilmishliri shundaqla kishilik exlaqigha chétilidighan mesililirimu tepsiliy élan qilindi.

Chet'ellerdiki Uyghur éli weziyitini közetküchiler, Uyghur élidiki emeldarlarning chékidin ashqan chiriklikining Uyghurlarni narazi qiliwatqan muhim amillarning biri ikenlikini bildürmekte.

Toluq bet