Хитай адриян зенз вә ASPI үстидин әрз сунушни ойлишиветипту

Мухбиримиз нуриман
2020-07-08
Елхәт
Пикир
Share
Принт

Хитай дөләт таратқуси болған «йәршари вақти» ториниң 8-июл бәргән хәвиригә қариғанда, хитай һөкүмити германийәлик тәтқиқатчи адриян зенз вә австралийә истратегийәлик сиясәт институти үстидин әрз қилидиғанлиқини билдүрүп тәһдит салған.

Хәвәрдә: «мәнбәләргә қариғанда хитай адриян зенз вә австралийә истратегийәлик сиясәт институти (ASPI) үстидин әрз сунушни ойлишиватиду, улар узундин буян хитай һәққидә төһмәт чаплап тарқатқан» дейилгән.

Доктор адриян зенз хитайниң уйғурларниң нопусини чәкләш арқилиқ ирқи қирғинчилиққа йол ечиватқанлиқи һәққидә доклат елан қилған. Австралийә истратегийәлик сиясәт институти хитайниң юқири техника арқилиқ уйғурларни қаттиқ бастуруватқанлиқини тәкшүрүп чиққаниди.

Мәзкур хәвәрдә мәхсус адриян зензниң ким вә австралийә истратегийәлик сиясәт институтиниң немә иш қилидиған орган икәнлики һәққидә тәпсилий баян қилинған болуп, бу« аталмиш ‹тәтқиқатчи' вә аталмиш австралийә истратегийәлик сиясәт институти аталмиш ‹доклат' ларни даим елан қилип җуңгони асассиз әйиблиди »дегәнләр илгири сүрүлгән.

Хитай мәтбуатиниң хәвәр қилишичә, бу йил март ейида, хитайниң лагерлирида йетип чиққан бәзи« уйғур зиялийлири »дуня уйғур қурултийи үстидин өзлириниң рәсимлирини рухсәтсиз ишләткән, дегән сәвәб билән әрз қилидиғанлиқини билдүргән болуп, лекин улар қандақ әрз қилидиғанлиқини тилға алмиған. Дуня уйғур қурултийи буни« хитайниң терә тарақлитиши »дегәниди.

Нөвәттә йәнә хитай һөкүмитиниң чәтәлләрдики уйғур паалийәтчилирини әйибләш вә башқа һәр хил усуллар билән зәрбә бериш һәм тәһдит селишни күчәйткәнлики әйибләнмәктә.


Пикирләр (0)
Share
Толуқ бәт