Хитай даирилири хитай армийиси ичидики тәңшәшниң адәттики әһваллиқини илгири сүрди

Мухбиримиз ирадә
2014-12-25
Елхәт
Пикир
Share
Принт

Йеқинда хитайдики тор бәтләрдә хитайдики һәрдәриҗилик һәрбий әмәлдарлардин 40 нәччә нәпириниң парихорлуқ сәвәбидин әмилидин елип ташланғанлиқи һәққидә хәвәр тарқалған. Бирақ, бүгүн хитай дөләт мудапиә министириниң баянатчиси яң йүҗүн мухбирларниң бу һәқтики соалиға җаваб берип, бу 40 нәччә нәпәр һәрбий әмәлдарға адәттики мәмурий тәңшәш елип берилғанлиқини, әһвалниң торда дейилгәндәк әмәсликини билдүргән.

Б б с ниң хәвәр қилишичә, баянатчи яң йүҗүн сөзидә, армийиниң мунасивәтлик бәлгилимә вә түзүмлиригә асасән һәр йили бир қетим мушундақ мәмурий тәңшәш елип берилиду, бу бир нормал орунлаштурулуш. Биз армийә ичидә һәргиз парихорларни сақлимаймиз, әгәр шундақ бири болған тәқдирдә, мәйли униң ким болуши вә мәртивисиниң қанчилик юқири болушидин қәтийнәзәр биз уни қәтий бир тәрәп қилимиз, дегән.

Һалбуки, хитай армийисидики 40 тин артуқ әмәлдарниң парихорлуқ сәвәбидин бир тәрәп қилинғанлиқиға аит хәвәрни әң дәсләп хоңкоңдики бир гезит елан қилған. Улар қолға чүшүргән һүҗҗәттә бир тәрәп қилинған әмәлдарларниң исмлиридин тартип йәр алған икән. Әйни чағда көзәткүчиләр бу хәвәрниң чинлиқ дәриҗисиниң юқирилиқини қәйт қилишқан иди. Чүнки, хитай азадлиқ армийиси хитайдики чириклик әң еғир орунларниң бири, дәп қарилип кәлгән.

Пикирләр (0)
Share
Толуқ бәт