Xitay da'iriliri xitay armiyisi ichidiki tengsheshning adettiki ehwalliqini ilgiri sürdi

Muxbirimiz irade
2014-12-25
Élxet
Pikir
Share
Print

Yéqinda xitaydiki tor betlerde xitaydiki herderijilik herbiy emeldarlardin 40 nechche nepirining parixorluq sewebidin emilidin élip tashlan'ghanliqi heqqide xewer tarqalghan. Biraq, bügün xitay dölet mudapi'e ministirining bayanatchisi yang yüjün muxbirlarning bu heqtiki so'aligha jawab bérip, bu 40 nechche neper herbiy emeldargha adettiki memuriy tengshesh élip bérilghanliqini, ehwalning torda déyilgendek emeslikini bildürgen.

B b s ning xewer qilishiche, bayanatchi yang yüjün sözide, armiyining munasiwetlik belgilime we tüzümlirige asasen her yili bir qétim mushundaq memuriy tengshesh élip bérilidu, bu bir normal orunlashturulush. Biz armiye ichide hergiz parixorlarni saqlimaymiz, eger shundaq biri bolghan teqdirde, meyli uning kim bolushi we mertiwisining qanchilik yuqiri bolushidin qet'iynezer biz uni qet'iy bir terep qilimiz, dégen.

Halbuki, xitay armiyisidiki 40 tin artuq emeldarning parixorluq sewebidin bir terep qilin'ghanliqigha a'it xewerni eng deslep xongkongdiki bir gézit élan qilghan. Ular qolgha chüshürgen hüjjette bir terep qilin'ghan emeldarlarning ismliridin tartip yer alghan iken. Eyni chaghda közetküchiler bu xewerning chinliq derijisining yuqiriliqini qeyt qilishqan idi. Chünki, xitay azadliq armiyisi xitaydiki chiriklik eng éghir orunlarning biri, dep qarilip kelgen.

Toluq bet