Xitayda 1-féwraldin bashlap bir türküm yéngi belgilimiler yolgha qoyulidiken

Muxbirimiz qutlan
2017-02-04
Élxet
Pikir
Share
Print

Xitay hökümet taratqulirining xewirige qarighanda bu yil 1-féwraldin bashlap xitay hökümiti tor bixeterliki, karxanilarning meblegh sélinmisi, yémeklik we dorilarni nazaret qilish qatarliq sahelerde bir yürush yéngi belgilimilerni yolgha qoyidiken.

Xelq torining bildürishiche, intérnét torini ishlitish jehettiki yéngi belgilime bashqa barliq belgilimilerning aldigha qoyulghan bolup, da'irilerning bu jehettiki pozitsiyesi intayin qattiq iken.

Igilinishiche, télégraf kespi xéridarliri torgha kirish kélishimi imzalighanda ularning heqiqiy nam ishlitishi telep qilinidiken. Yeni télégraf kespiy tijaretchiliri xéridarlar bilen torgha kirish kélishimi tüzgende xéridarlardin kimlikini chiqirish, heqiqiy salahiyet uchuri bilen teminleshni telep qilidiken.

Xitay hökümiti chiqarghan bu yéngi belgilime chet'ellerdiki közetküchiler bilen siyasiy analizchilarning diqqitini qozghighan. Xelq'ardiki kishilik hoquq teshkilatliri bilen kishilik hoquq pa'aliyetchiliri xitayning dunyadiki intérnét qollan'ghuchilar eng köp bolghan bir dölet bolushigha qarimay, torgha bolghan kontrolluqning yildin-yilgha küchiyip bériwatqanliqini ilgiri sürmekte.

Uyghur közetküchiler, xitay yéngidin yolgha qoyghan bu belgilimining eng aldi bilen Uyghur éli we tibetke oxshash siyasiy jehettin sezgür rayonlardiki yerlik ahalilarda éghir siyasiy bésim hés qilduridighanliqini tekitlimekte.

Toluq bet