Хитай америкидин интернет бихәтәрлики вә террорлуққа қарши һәмкарлиқни күчәйтишни тәләп қилди

Мухбиримиз шөһрәт һошур
2016-03-16
Елхәт
Пикир
Share
Принт

Хитай җамаәт хәвпсизлик министири го шеңкун дүшәнбә күни хитайда зиярәттә болуватқан америка федарал тәкшүрүш идарисиниң башлиқи җәмис комәй билән көрүшкәндә хитайниң америка билән интернет бихәтәрлики вә террорлуққа қарши һәмкарлиқни күчәйтишни халайдиғанлиқини оттуриға қойған. Ройтирисниң бу һәқтики хәвиридә баян қилинишичә, җәмис комәй америкиниң хитай билән бу җәһәттики һәмкарлиқта әмәлийәтчил болушни халайдиғанлиқини әскәрткән. Хәвәрдә йәнә америка президенти обаманиң илгири хитай дөләт рәиси ши җинпиң билән көрүшкәндә хаккерлар вә сода мәхпийәтликини оғрилаш мәсилиси үстидә сөзләшкәнлики, хитай тәрәпниң болса йиллардин бери ғәрб дөләтлиридин террорлуққа қарши һәмкарлиқни тәләп қилип кәлгәнлики, әмма хитай тәрәп террорлуқ дәп әйибләватқан уйғур районидики қаршлиқ һәрикәтлириниң әмәлийәттә сиясий бесимдин келип чиққанлиқи әслитилгән.

Шинхуаниң түнүгүнки хәвиридә дейилишичә, хитай тәрәп америкидин йәнә, чәтәлгә қачқан парихор әмәлдар вә уларниң байлиқини қайтуруп әкилиш җәһәттиму зич һәмкарлишишни тәләп қилған. Әмма хәвәрдә америка тәрәпниң бу тәләпкә қарита позитсийәсиниң қандақ болғанлиқи тилға елинмиған.

Пикирләр (0)
Share
Толуқ бәт