Xitaydiki "It göshi yéyish bayrimi" xelq'ara jama'etchilikning qattiq tenqidige duch kelgen

Muxbirimiz qutlan
2015-06-22
Élxet
Pikir
Share
Print


Tomuz yaz mezgilide xitayning jenubiy rayonidiki yülin nahiyeside "It göshi yéyish bayrimi" ning tentene qilinishi xelq'ara jem'iyetning diqqitini qozghighan.

Melum bolushiche, xitayning jenubiy ölkiliride her yili tomuz yaz mezgilide "It göshi yéyish bayrimi" ötküzülidiken. Bayram mezgilide xitay réstoranliri omumyüzlük it, müshük qatarliq insanlar bilen eng yéqin turidighan haywanlarni öltürüp, ularning göshidin türlük ta'amlar hazirlaydiken.

Xelq'aradiki haywanlar hoquqini qoghdash teshkilatliri shuningdek mutleq köp sandiki xelq'ara jama'etchilik xitaydiki bu xil adettin tashqiri yémeklik aditidin qattiq bi'aramliq hés qilghan. Chünki xitay qatarliq intayin az sandiki döletlerdin bashqa dunyada omumyüzlük halda it, müshük qatarliq haywanlarni öltürüsh yaki yéyish "Gheyriy - insaniy qiliq" dep qarilip kelmekte.

Xitayning gwangshi ju'angzu aptonom rayonidiki yéza - sehralarda bu yilliq "It göshi yéyish bayrimi" da az dégende mingdin artuq itning soyulghanliqi melum.

Yülin nahiyesidiki réstoran xojayinliri bu heqte chet'el muxbirlirining ziyaritini qobul qilip mundaq dégen: "It göshi yéyish bizdiki bir yerlik en'ene. Uning yerlik hökümet bilen alaqisi yoq."

Xitaydiki yang famililik bir it qoghdighuchi ötken hepte axiri yurti tiyenjindin jenubtiki yülin nahiyesige bérip 7 ming som pul hejlep 100 it sétiwalghanliqini we ularning hayatini saqlap qalghanliqini ashkara qilghan.

Toluq bet