Америкадин ғайәт зор санлиқ мәлуматларни оғрилап кәткәнләр хитайниң һәрбий қисимлири икән

Мухбиримиз әзиз
2020-02-11
Елхәт
Пикир
Share
Принт

Бирләшмә агентлиқниң 10-февралдики хәвиридә ейтилишичә, 2017-йили американиң компютер тор системисиға оғрилиқчә кирип, 140 милйон америка пуқрасиниң хусусий учурлирини оғрилап кетиш вәқәси хитай һәрбий қисимлириға четишлиқ икән.

10-Феврал күни америка әдлийә министирлиқи бу һәқтә баянат елан қилип: «бейҗиң даирилириниң мислисиз тор хаккерлиқи арқилиқ бунчә көп пуқраниң хусусий учурини оғрилиши тарихта аз көрүлгән вәқә» дегән. Шу қетимда кишиләрниң исим-фамилиси, адреси, иҗтимаий бихәтәрлик номури (SSN), шопурлуқ кинишкиси дегәндәк учурлар толуқ оғриланғаникән.

Бу қетим әйибләнгән төт әйибкар хитай хәлқ азадлиқ армийәсигә бағлинишлиқ хадимлар болуп, улар амеракидики херидарлар мәлуматини топлаштики әң чоң ширкәтләрдин бири болған Equifax ширкитиниң компютер системисини нишан қилған. Әмма бу әйибкарларниң һечқайсиси техи һазирчә америка һөкүмитиниң қолида әмәс икән. Әдлийә министирлиқи бу һәқтә бәргән баянатида: «биз бу арқилиқ барлиқ хаккерларға шуни демәкчимизки, биз билән ойнашмаңлар. Биз силәрни тапалаймиз» дегән.

Пикирләр (0)
Share
Толуқ бәт