Xitay jasusluq orginining sabiq bashliqi sotlinidu

Muxbirimiz erkin
2016-12-30
Élxet
Pikir
Share
Print

Xitay kompartiyesi jüme küni xitay jasusluq orginining sabiq bashliqi ma jyenning qanun tarmaqlirining bir terep qilishigha tapshurulghanliqini élan qildi.

Ma jyen ilgiri xitay dölet bixeterlik ministirliqining mu'awin ministirliq wezipisini atqurghan idi. U, 2015‏-yili 1‏-ayda wezipisidin toxtitip tekshürülüshke bashlighan. Ma jyen hazirqi qeder xitay jasusluq sistémisidin qanun tarmaqlirining bir terep qilishigha tapshurulghan eng yuqiri derijilik emeldar.

Xitay merkizi intizam tekshürüsh komitéti jüme küni élan qilghan qisqa bayanatida, uning partiyedin qoghlap chiqirilip, qanun tarmaqlirigha tapshurup bérilgenlikini bildürdi. Xitay kompartiyesining mezkur parixorluqqa qarshi turush orginining qeyt qilishiche, ma jyen hoquqini suyi'istémal qilip, uruq-tughqanlirining tijari menpe'etige chogh tartqan, qanun organlirining herikitige dexli-teruz qilghan we para alghan.

Ma jyen sabiq kompartiye merkizi siyasiy qanun komitéti sékrétari ju yüngkangning parixorluq weqesidin kéyin xizmitidin toxtitip tekshürülüshke bashlighan idi. Roytérs agéntliqining bildürüshiche, ma jyen qoshumche xitay dölet bixeterlik ministirliqi 8‏-idarisining diréktori bolup, mezkur idare chet'el jasusluq heriketlirige qarshi turushqa, xususen chet'ellik diplomat, sodiger we muxbirlarning herikitini teqib qilishqa mes'ul iken.

Toluq bet