Uyghur élida sayahetchiler aziyip, qéchiwatqan xitay köchmenliri tosqunluqqa uchridi

Muxbirimiz méhriban
2014-08-28
Élxet
Pikir
Share
Print

Igiligen ehwallardin melum bolushiche, 2014 - yilning aldinqi yérim yilida, Uyghur rayonida barghanche köpeygen xitay saqchixaniliri we xitay köchmenlirining hujumgha uchrash weqeliridin kéyin, bolupmu 29 - aprél ürümchi poyiz istansisidiki partlash weqesi, 22 - may ürümchi etigenlik bazar hujumi we 28 - iyul yeken weqesidin kéyin, Uyghur élidiki xitay köchmenliride özlirining esli yurtliri bolghan xitay ölke, sheherlirige qéchishi, tijaret we béyish pursiti izdep Uyghur rayonigha kélidighan xitay tijaretchilirining aziyishi, sayahet üchün kélidighan xitay sayahetchiliriningmu körünerlik aziyishidek ehwal körülgen.

Uyghur élidiki xitay köchmenliridin jung famililik xitay tijaretchisi 28 - awghust radi'omizning ziyaritini qobul qilip "Shinjanggha emdi adem kelmeydu. Arqa - arqidin bundaq köp weqeler chiqti. Bu yilqi qarshiliq heriketliri nispeten keng da'irilik boldi. Qeshqerdiki öyler sétilmaywatidu, qeshqerge bashqa jaylardin kelgen sodigerler kétiwétiptu. Xitay bolsila bu yerdin kétiwétiptu. Anglishimche, hökümet terep xitay puqralirining kétishige tosqunluq qilip, kétish resmiyetlirini béjirip bermeywétiptu, emma resmiyet béjirip bermisimu ular yenila kétiwétiptu" dégen. Jung famililik bu xitay sodiger yene, xitay köchmenliridiki ensizlik keypiyatini ipadilep,"Kéchide qarangghu jaylargha bérishqa pétinalmaymiz. Bek yochun jaylarghimu baralmaymiz, esli biz jenubiy Uyghur rayonigha bérip tereqqiyat pursiti izdimekchi iduq, hazir bérishqa pétinalmiduq" dégen.

22 - May ürümchi etigenlik bazardiki partlash weqesi yüz bergendin kéyin, Uyghur rayonidiki sayahet idarisi "Shinjanggha sayahetke kelgenlerge 500 som mukapat bérildighanliqi" ni uqturghan idi. Emma radi'omizning ziyaritini qobul qilghan xen famililik sayahet yétekchisi sayahetchilerning azlap ketkenlikini bildürüp,"Sayahetchilik ishliri yenila élip bériliwatidu, emma bu yilqi sayahetchiler ilgiriki yillardikidin 90% aziyip ketti. Bultur bir'az yaxshi idi. Bu yilqi weqeler sayahetchilikke qattiq tesir qildi. Ürümchi ilgiri kéche bolmas sheher idi. Hazir kechlik bazarlar taqaldi. Sirttin kelgen tijaretchiler dukinini taqap kétip qaldi, hetta bu yerlik xitay puqraliridinmu dukanlirini taqighanlar az emes. Qeshqer, xoten qatarliq jaylarning sayahetchiliki pütünley berbat boldi" dep jawab bergen.

Toluq bet