Хитай даирилири үрүмчидә һәрбий маневир өткүзүп күч көрсәтти

Мухбиримиз җүмә
2013-06-29
Елхәт
Пикир
Share
Принт

Уйғур елиниң турпан вә хотән шәһәрлиридә хитай һөкүмитигә қарши һуҗумлар кәйни - кәйнидин йүз бәргәндин кейин, хитай даирилири 29 - июн үрүмчидә чоң типтики бир һәрбий маневир өткүзүп күч көрсәтти.

Маневирни хитай қораллиқ сақчи қисимлири уюштурған болуп, маневирға танка, һәрбий аптомобил вә броневиклар қатнаштурулди. Маневир өткүзүлгән хәлқ мәйдани қатарлиқ районлар қамал қилинип, башқиларниң кириши чәкләнди.

Бизгә кәлгән бу һәқтики учур вә рәсимләргә қариғанда, маневир чоң типтики намайишларни бастуруш шәклидә өткүзүлгән. Маневир 29 - чесла кәчқурунғичә давам қилған.

Маневир давамида үрүмчи кочилирида худди 2009 - йилдики «5 - июл намайиши» қанлиқ бастурулғандин кейинкигә охшаш бир хил соғуқ кәйпият һөкүм сүргәнлики мәлум.

Хитай һәрбий даирилири 2009 - йили 5 - июл кәчқурун намайишчи уйғурларни қанлиқ бастурған вә үрүмчи кочилирини шу йили күзгичә қамал қилип турған иди.

Пикирләр (0)
Share
Толуқ бәт