Xitay da'iriliri ürümchide herbiy manéwir ötküzüp küch körsetti

Muxbirimiz jüme
2013-06-29
Élxet
Pikir
Share
Print

Uyghur élining turpan we xoten sheherliride xitay hökümitige qarshi hujumlar keyni - keynidin yüz bergendin kéyin, xitay da'iriliri 29 - iyun ürümchide chong tiptiki bir herbiy manéwir ötküzüp küch körsetti.

Manéwirni xitay qoralliq saqchi qisimliri uyushturghan bolup, manéwirgha tanka, herbiy aptomobil we bronéwiklar qatnashturuldi. Manéwir ötküzülgen xelq meydani qatarliq rayonlar qamal qilinip, bashqilarning kirishi cheklendi.

Bizge kelgen bu heqtiki uchur we resimlerge qarighanda, manéwir chong tiptiki namayishlarni basturush sheklide ötküzülgen. Manéwir 29 - chésla kechqurun'ghiche dawam qilghan.

Manéwir dawamida ürümchi kochilirida xuddi 2009 - yildiki "5 - Iyul namayishi" qanliq basturulghandin kéyinkige oxshash bir xil soghuq keypiyat höküm sürgenliki melum.

Xitay herbiy da'iriliri 2009 - yili 5 - iyul kechqurun namayishchi Uyghurlarni qanliq basturghan we ürümchi kochilirini shu yili küzgiche qamal qilip turghan idi.

Toluq bet