Президент доналд трамп: «хитай нәқ мәйданда тутулуп қалди»

Мухбиримиз әзиз
2017-12-29
Елхәт
Пикир
Share
Принт

Америка президенти доналд трамп алдинқи күни твиттерда хитайни тәнқидләп, униң шималий корейәгә нефит тошуп, «нәқ мәйданда тутуп қалғанлиқи» ни билдүрди.

Өткән сәйшәнбә күни җәнубий корейәниң «чосун илбо» гезити америка сүний һәмралириниң бохәй деңизида хитай парахотлириниң шималий корейә парахотлириға нефит йөткәватқанлиқини байқиғанлиқини хәвәр қилған. Хәвәрдә бу әһвалниң өктәбирдин бери 30 қетимдәк йүз бәргәнликини билдүргән.

Бу хәвәр «фокус хәвәрләр қанили» қатарлиқ америка ахбарат васитилириниң диққитини қозғиған иди. Президент трамп алдинқи күни твиттерда елан қилған баянатида «хитайниң нәқ мәйданда тутулуп қалғанлиқи» ни әскәртип, «хитайниң шималий корийәни нефит билән тәминлигәнликидин интайин үмидсизләндим,» дегән. У йәнә «әгәр бу мушундақ давамлашса, шималий корейә мәсилисиниң һечқачан достанә һәл қилиш чариси болмайду,» дәп тәкитлигән.

Б д т хәвпсизлик кеңиши илгири шималий корейәниң нефит импортиға чәклимә қоюп, униң чәклик миқдарда нефит импорт қилишиға йол қойған. Әмма униң деңизда нефит алмаштурушини чәклигән иди. Лекин бирләшмә агентлиқиниң билдүрүшичә, хитай һөкүмити б д т хәвпсизлик кеңишиниң ембарго қарариға хилаплиқ қилғанлиқини рәт қилған. Хитай ташқи ишлар министирлиқиниң баянатчиси хуа чүнйиң бүгүнки ахбарат елан қилиш йиғинида хитайниң ембарго қарарлирини «омумйүзлүк вә қаттиқ» иҗра қилип келиватқанлиқини тәкитлигән. У, бу һәқтики хәвәрләрниң «пакитқа уйғун әмәс» лики, алақидар парахотларниң бу мәзгилдә хитай портиға киргәнлики яки чиққанлиқиға даир һечқандақ хатирә йоқлуқини билдүргән. Лекин ройтерс агентлиқиниң хәвиридә қәйт қилишичә, америка дөләт ишлири министирлиқиниң бир әмәлдари, «хитайни өз ичигә алған бир қанчә дөләтниң ширкәтлиригә тәвә бәзи парахотларниң бу хил тиҗарәт билән шуғуллиниватқанлиқиға даир дәллилиримиз бар,» дегән.

Пикирләр (0)
Share
Толуқ бәт