Пайчәк чүшкәндин кейин хитай мәркизий банкиси өсүм нисбитини төвәнләтти

2015-06-28
Елхәт
Пикир
Share
Принт


Өткән икки һәптидин буян хитай пайчәк базирида җиддий төвәнләш көрүлгәндин кейин, хитай мәркизий банкиси өсүм нисбитини тарихтин буянқи әң товән чәккә чүшүрүп базарни турақлаштурмақчи болди.

Хитай мәркизий банкисиниң шәнбә күни өз торбетидә көрситишичә, банка қәрз бериш өсүм нисбитини 4.85 Пирсәнткә чүшүргән.

Мәлум болушичә, хитай мәркизий банкиси бу арқилиқ пайчәк базириниң төвәнлиши пул муамилә базирида кәлтүрүп чиқарған алақзадиликниң алдини алмақчи болған.

«Блумберг» торида нәқил қилишичә, хоңкоңдики мизуһо мәбләғ селиши ширкитидики иқтисадшунас сән җяңгүән мундақ дегән: мәркизий банка пайчәкниң төвәнлишидин һодуқуш келип чиқишини халимайду. Бу хил алақзадилик иқтисадий муқимсизлиқ кәлтүрүп чиқириду.

Шаңхәй бирикмә индикиси 26 - июн 7.4 Пирсәнт төвәнлигән. Шуниң билән мәзкур пайчәк базиридики бу һәптилик омумий төвәнләш 12 - пирсәнттин 19пирсәнт әтрапида болған.

Шаңхәй вә шенҗен индекслири 2 - июнму юқири нисбәттә төвәнлигән иди.

Бу хил төвәнләш хитай пай һәссидарлирини қорқутувәткән. Шуниң билән улар қоллиридики пайлирини түркүмләп сетишқа башлиған, нәтиҗидә бу хитай пайчәк базирида бир қетимлиқ сетиш патипарақчилиқи кәлтүрүп чиқарған.

Һөкүмәт даирилири буниң алдинқи елиш үчүн җиддий тәдбирләрни елишқа мәҗбур болған.

Бу хитай мәркизий банкисиниң өсүм нисбитини өткән йили ноябирдин буян 4 - қетим чүшүрүши.

Пикирләр (0)
Share
Толуқ бәт